上海萬家村小館

营业中

休息中

蟹粉扒豆苗$148 餐廳俾咗好多蟹粉俾我哋，而且豆苗都係好新鮮，食完之後唔會有渣。醬汁嘅稀稠度教得好適合，食豆苗嘅時候啲醬汁都會黐住豆苗。大大碟一份好抵食。手制銀絲卷 蒸$25 銀絲卷都好大嚿，一舊可以分到五份。銀芽炒鱔糊$110依個係個晚餐黎嘅，佢會包一個嘢飲同埋白飯。佢芽菜同埋鱔糊個量都好多，個醬調得好好。啲鱔好爽口，而且肥美大條。好快就可以清到一碗飯。涼拌4拼$98 揀咗麻油海蜇、上海熏魚、醉雞同埋四起烤麩。第一次食上海熏魚，作為冷盤，有三大舊好扺食！醉雞都有一隻雞脾咁多，係其他餐廳已經係一碟餸。