樓上大排檔

营业中

休息中

大排檔Style 既裝修，環境有特色，味道又出色!!❤️菠蘿咕噜肉 酸甜味道配搭得啱啱好，菠蘿鮮甜多汁，豬肉外層炸到金黃酥脆，入面仍然好嫩滑，咬落去啖啖肉汁，而且有d軟骨增加口感，好有功架好有鍋氣，真係一試就愛上，下次一定會再嗌🧡茄子牛仔骨煲 牛仔骨軟淋又入味，肉質鮮嫩，加上惹味醬汁，非常餸飯!! 茄子吸收曬牛仔骨嘅香味，味道濃郁但又唔會太over, 非常加分💛八珍豆腐煲 好味又好足料!! 豆腐煎到表面微脆，吸收晒魷魚、香菇等配料嘅鮮味，同時保持內裡嘅嫩滑。腩肉大大舊份量又多，魷魚爽口彈牙，整煲味道豐富得嚟又唔會過重，每一啖都充滿層次，真係好滿足～