拾味正宗刀削麵館 (渣甸街)

营业中

休息中

刀削麵越開越多，但冇一間開係我附近，呢個世界已經冇嘢可以阻止到我食到刀削麵嘅決心。Lunch time特登搭地鐵去銅鑼灣，呢間分店距離地鐵站出口只需要行3分鐘，好彩前面只有一張枱等緊，大概5分鐘就有位。啲位坐得勁迫，社交距離來講係極不理想。Menu多選擇到要前一日開始諗定食物，最後揀咗牛展熱拌刀削麵，醬汁有啲辣，但好彩可以醬汁另上，可以自己決定落幾多。我心心念念嘅刀削麵，厚身、有咬口，啲面係有師傅現場即刻削嘅，所以長度同厚度都唔一致。我自己好鍾意咬麵糰的感覺，所以極愛刀削麵。至於牛展，係五香牛展嚟，惹味，但切得勁薄，大概有6塊。同行朋友叫的醉雞湯麵，如果鍾意有咬口麵條，建議都係叫熱拌或者冷拌，麵條就會有咬口啲，唔會比啲湯浸淋。