春城銅鍋米線

营业中

休息中

今日全日喺旺角流連，上網睇到呢間酸辣米線好評好多，加上用熱鍋裝好吸引，見佢推介嘅係豬扒酸辣米線同埋個炸豆卜釀蝦餃，就叫咗呢兩樣加一杯鹹檸七，嚟到個蝦膠入邊餡料勁多外脆內軟，熱辣辣好好味，配上甜酸雞醬，簡直係絕配，豬扒酸辣米線到，酸菜啱我口味，又酸又甜，雖然份量唔多，但係好美味，豬扒炸得好香脆，但係又好腍超級入味，我要咗少少辣湯底其實都偏辣，但係個湯又酸又甜我連湯都飲埋，鹹檸七正常發揮冇特別，最後叫多個甜甜紅糖糍粑要咗五件，外脆內軟餡料都好多，食五件，其實有啲多，下次可以叫三件，米線以後又多一間好選擇😂