呢间米线OMW同同事无论堂食定外卖都食咗无数次，真心好正，佢无论系汤底、配料、配菜都好好味，食得出佢嘅用心，而且无论食辣、唔食辣嘅都可以食呢间。 🍗配料 （至少两𩠌）呢度啲𩠌好高质！平时OMW嗌香炸猪扒、五香牛展，而今次嗌咗鸡肉。💯香炸猪扒好好食，一块劲大块，系厚切果种，冇用粉炸，贴心地剪咗，分开上，不会太干/太咸，肉质颇软腍，好入味！同事话堂食更好食，OMW就觉得外卖嘅已经好好味，我觉得系呢度必食！💯五香牛展又系好上色、好入味，有3块（份量唔算好多），味道系恰到好处嘅咸；口感系啱啱好，唔会煮到烂晒，仲保留倒中间果种胶质感，好正。💯鸡肉。唔知有冇人同OMW一样好唔钟意啲有膻味嘅鸡，呢度嘅鸡肉合格，似系新鲜鸡（都有可能系有处理得好好嘅冰鲜鸡，但似新鲜），有鸡味，系好食嘅鸡。🉑 唐扬炸鸡件，佢新开嘅时候我会叫，有5大粒。不过食咗两三次之后突然变咸，因为太咸之后冇再食lu，但跟米线个价钱有5粒真系好抵，唔怕咸可以试吓。🉑其他𩠌推介：我见同事仲会叫蚝仔、螺旋藻，仲有虫草花椰子鸡米线，可以试吓。 🥬米线与配菜米线质感同平时食嘅差唔多，唔会过淋。呢度嘅米线本身有跟：生菜、木耳丝、肉碎、(腐皮)、芽菜、甜酸菜。平时OMW会走芽菜、甜酸菜，腐皮好似见唔到，其他嘅都好唔错，OMW觉得用高质嚟形容都唔夸张。🉑生菜，虽然个menu冇写，但平时都会跟一片生菜，唔算好完整，但算叫唔使加钱有菜食。💯木耳丝：好爽脆，增加口感！💯肉碎：好明显系新鲜猪肉，而且冇碎骨。 💯春城麻辣铜锅米线 🍜汤底：麻辣汤底（小辣）OMW食开小辣，佢个麻辣好正、好好味，暂时系OMW排名No.1嘅麻辣汤底！食落系有层次嘅麻辣，辣度主要系靠面头嘅辣油，所以食到尾会冇咁辣咁。如果第一次食呢间麻辣，一定建议BB辣先，之后再加上去🔥辣感真系好个人，畀大家参考返，呢间我食开小辣，谭仔食开五小/三小。除咗麻辣，仲有酸酸辣辣铜锅米线，大多数同事都系嗌呢个。如果唔食得辣嘅同事，会嗌清汤或者虫草花椰子鸡米线～ 🉑饮品特别想highlight返: 呢度柠檬利宾纳同其他嘢饮同价，好吸引！ 💜总结：呢度畀OMW感觉系一间用心对待食材，尊重食物嘅餐厅。啲嘢好食，但价钱就$75-$120。我又要讲返果句：如果好食嘅话，畀多少少钱都抵。另外，堂食真系用铜锅上米线，打卡able! 不过食呢间我只系为咗食好食嘅嘢啦😌 💜温馨提示：堂食嘅话，Lunch都会有人排队，预返时间，或者早少少。左边果排有个位冷气机滴水，唔知整返好未呢？坐低前睇清楚先坐😜 📍 春城铜锅米线 (💯外卖-尖沙咀)>尖沙咀厚福街6号地舖>香港旺角砵兰街175号地舖 ✨亮点：无论系麻辣汤底、跟米线嘅配菜，定系可以拣嘅𩠌都好高质，好好食！Go！ 🙇🏻♀️特别呜谢：劳苦功高、日晒雨淋嘅外卖员！ 💡长知识时间：问：春城即系中国边个城市？答：答案系昆明市。根据维基百科，昆明的别称是「春城」，因其夏无酷暑、冬无严寒、气候宜人，具有典型的温带气候特点。 #omw食米线 #omw食肉肉 #omw尖沙咀 #omw油尖旺 #尖沙咀lunch #hkfoodie #hkfoodshare #hkkoreanfood #hkrestaurant #香港美食 #油尖旺美食 #尖沙咀美食 #香港米线（以下系几次嘅食物相📸）…查看更多
啱晒细食嘅女仔。
