春城銅鍋米線 (厚福街)

香港人真係好中意食米線‼️其實除咗譚仔同雲桂香依種連鎖餐廳之外，香港地仲有好多用心煮食嘅米線鋪頭，「春城」就係其中一間🥹🥹【招牌豬扒酸酸辣辣銅鍋米線】💰55有別於其他鋪頭，依款米線會用特別嘅銅鍋器皿裝住🥣 湯料好豐富：包括肉碎、芽菜、腐皮、酸菜、甜酸菜、木耳絲😋 豬扒會分別用另一個盤仔上，唔怕浸到淋晒👍🏻【蟲草花椰子雞米線】💰62椰子湯味好重🥥 嗌咗小辣，飲落有啲似喇沙湯底(比較清，唔會有蝦醬鹹味）😋 雞件依舊好滑👍🏻 加8蚊可以轉做雞脾👀 配料有大量蟲草花、紅棗、木耳，個人私心推介💕💕【炸脆脆蝦膠豆卜】💰25/3粒喺其他餐廳無食過嘅小食👀 豆卜外皮炸到金黃酥脆，釀喺入面嘅蝦膠彈牙👍🏻 配泰式辣醬食好夾🤓【爆漿紅糖糍粑】💰20/3粒物如其名、絕對爆漿‼️ 糍粑口感Q彈，紅糖釀喺糯米糰入面係我比較喜愛嘅食法，可以確保包舊糍粑都有足夠嘅甜味同熱度💕幫襯過旺角店同尖沙咀厚福街店，食物質素同樣高質，出品有保證，價錢經濟又實惠👍🏻…查看更多

作為米線控，無論冬天定夏天都可以係咁食米線﹗但係最近天氣開始凍翻啲，就更加米線癮起。黎左尖沙咀厚福街既呢間春城銅鍋米線，絕對要食佢地既古法銅鍋米線，保溫效果一流。1️⃣招牌豬扒酸酸辣辣銅鍋米線（$55）呢個招牌銅鍋米線黎到必點，可以keep到個米線熱熱地既溫度，湯底既酸辣味好香，仲食到肉碎、木耳絲、芽菜等等既配料。個豬扒分開上，食落鬆軟，大塊抵食。2️⃣牛肉蠔仔紫菜肉碎米線（$78）呢個既足料程度真係震驚到我，個名上面既野全部都比得好足﹗滑牛肉片勁多，蠔仔大大料肥嘟嘟咁，仲有肉碎都係一路食一路有。湯底係清啲既但係啲材料既鮮味滲曬入去。3️⃣炸脆脆蝦膠豆卜（$25）呢個小食見到好多人推薦，一定要叫番碟黎食下。炸得勁脆得黎食落口係完全冇油膩感。一啖咬落係清脆咁”咔”聲，入面係塞滿蝦膠，大推。4️⃣香煎墨魚餅（$58）墨魚餅我都好鐘意，食落口既彈牙質感我同朋友都大讚﹗5️⃣豆漿（+$12）6️⃣凍檸茶（+$6）…查看更多

呢日lunch time 同同事仔去食呢間好爆場的米線，平時經過都好多人排隊，所以有時我地都係叫外賣多😌繁忙時間係要搭枱的！我地都嗌左麻辣酸辣豬扒撈米線，再加午餐肉同埋豬潤😋豬扒好大件好軟身，一點都不乾，非常美味，豬潤都好大舊，而且仲好爽口～花椒油的麻落得恰到好處，就算唔加辣都好好味🥰佢地小食同樣出色，我地平時最中意食黑糖糍粑，軟糯、甜度岩岩好～👍🏻佢地小食同樣出色，我地平時最中意食黑糖糍粑，軟糯、甜度岩岩好～👍🏻炸脆脆蝦膠豆卜，即叫即炸，外層金黃，蝦膠爽口彈牙～加埋豆卜多重口感😚…查看更多

呢間餐廳環境光猛闊落，望落乾淨，我地叫左呢度特制既小食蝦膠炸豆卜，豆卜外層勁脆口，蝦肉好飽滿又多，蝦肉彈牙沾埋酸甜醬好夾。我地叫左一鍋銅鍋既豬扒酸辣米線，酸辣好開胃，酸菜好多，湯底飲落酸酸甜甜，米線份量都幾多仲可以自選唔要d咩配料走芽走莞茜都得，好食又健康。豬扒大大塊厚切抵食。紫菜蠔仔米線加左牛肉同雞肉，雞肉比較嫩滑而且無骨方便食，蠔仔份量都幾多，紫菜都好多，米線可以自選辣度唔錯。餐廳：春城銅鍋米線地址：尖沙咀厚福街6號地下…查看更多

📍   春城銅鍋米線🌍香港尖沙咀厚福街6號地舖📝整體評分：８／１０⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝睇個名就知係招牌係米線，鹵水飯我更鍾意。✿ 招牌豬扒醱酸辣辣銅鍋米線 厚切梅頭豬扒肉汁鎖緊，超大塊！！！銅鍋一上桌酸香直衝腦門，秘製酸菜酸得開胃，辣得過癮卻不死鹹。✿ 炸脆脆蝦膠豆卜 熱油炸到金黃的豆腐卜，每件都塞滿彈牙蝦膠，炸衣薄得剛好，外皮超脆，蝦膠「啵」爆開。
 ✿ 鹵水牛展雞翼酸菜飯牛展入味帶微微嚼勁；雞翼醃透後滷製，骨肉輕輕一拉即脫骨；酸菜酸爽開胃，完美中和鹵水油香～
…查看更多

必試高質米線，湯底和配料滿滿選擇次次吃都有驚喜，必收藏之米線店名單！招牌豬扒酸酸辣辣米線必點招牌！小辣，辣得不嗆喉～豬扒是另外上碟，大塊鬆軟，金黃酥脆。鐵鍋份量滿滿，有酸菜，木耳，腐皮，芽菜和肉，撈勻吃非常爽喔胡椒雞湯薯粉配牛腩＋炸雞件湯底胡椒香，非常暖胃很舒服！牛腩炆到軟淋入味，炸雞件外脆內嫩，一啖湯一啖肉，滿足～湯底香濃，滋補不膩，清淡中帶有口感！炸脆脆蝦膠豆卜有驚喜！豆卜炸到金黃脆身，釀滿彈牙之蝦膠，配甜酸泰式醬，口感有層次！銅鍋保溫，尾段仍有熱辣辣～湯底特別，配料足，小食有心思，必試！…查看更多

招牌豬扒酸酸辣辣銅鍋米線🐷$55個銅鍋一上枱已經霸氣十足😇湯底酸辣比例調得啱啱好，酸香醒神辣度溫和唔嗆喉，反而更加開胃塊招牌豬扒夠晒大塊又夠腍😚咬落啖啖肉，肉質入味，真係勁惹味😋絕對係必食首選👍五香牛腩酸菜飯伴滷水蛋🐮$58牛腩燜到超級軟腍😋五香滋味入晒味😝仲要係半肥瘦嘅靚位😙酸菜爽口解膩，同濃味牛腩夾到絕😉滷水蛋連蛋黃都入透味😌撈飯食真係冇得輸😛炸脆脆蝦膠豆卜(5粒)🦐$38人氣招牌之選，幾乎枱枱必點😍即叫即炸，熱辣辣上枱👍外層脆卜卜，咬開裡面係滿滿彈牙嘅蝦膠☺️豆卜唔會太油膩😉點埋甜酸醬食，真係好食到停唔到口😋凍檸檬茶🍹跟餐+$6茶底夠濃，落足四片檸檬，飲完透心涼😇凍檸檬咖啡☕️跟餐+$12真係估唔到呢度有檸啡飲😛解渴又提神，飲完夠曬精神爽利☺️…查看更多

星期日下晝3:00去幫襯超級多人最開心就係好多都係香港人招牌豬扒酸酸辣辣銅鍋米線，豬扒外面脆脆的，裡面又嫩滑，真係好味到爆！米線我就揀咗BB辣。另一個招牌菜係炸脆脆蝦膠豆卜，外面炸得剛剛好，裡面一口咬下去，全部都係蝦，超級抌本，超好食！牛肉蠔仔紫菜肉碎米線也令我好驚喜，牛肉又咬口，仲有蠔仔的鮮味，紫菜多到不得了，搭配起來真係絕配。杯凍檸檬利賓納我哋要求係少冰，佢啱啱好變成室溫嘅溫度，非常之欣賞 。而杯檸蜜係真係檸檬加蜜糖而唔係加菜蜜，好正 。 …查看更多

牛肉紫菜蠔仔湯米線（$78）湯頭香辛度十足 飲入肚子暖暖的而且湯裡有肉碎 增加了鮮甜味蠔仔粒粒飽滿，而份量有10零粒牛肉中規中矩，紫菜有加乘作用炸脆脆蝦膠豆卜（ 3 粒）（$25）豆卜是完全乾身的脆 不是油膩膩的脆裡面是飽滿脹卜卜的蝦肉👍🏻春城銅鍋米線 (尖沙咀)尖沙咀厚福街6號地舖…查看更多

🍜 【尖沙咀必試】這間銅鍋米線酸辣到上癮！脆脆蝦膠豆卜爆汁超犯規！ 🔥成日行過「春城」都見人龍～今次終於試到佢個名不虛傳嘅 「酸酸辣辣銅鍋米線」！🥘真心，食完會掛住個味‼️🍖 招牌豬扒酸酸辣辣銅鍋米線塊豬扒真系「靈魂所在」！🐷肉質超松化～醃到好入味浸左酸辣湯之後更加惹味咬落去仲有肉汁嗰下離譜！👍🦐 炸脆脆蝦膠豆卜（必點！）呢個真系神仙配菜！我比100分💯外面豆卜炸到脆卜卜一咬開～裡面系超彈牙嘅鮮蝦膠！吸曬酸辣湯，一啖咬落去…「咔嚓」一聲跟住爆汁！ 💥個口感層次真系無敵～🥘 個鍋同個湯底都系重點用傳統銅鍋上，真系keep到熱辣辣！個「酸酸辣辣」湯底好醒胃～酸得嚟唔嗆喉，辣得嚟唔燒胃同紅薯粉系絕配，停唔到口～😭#尖沙咀美食 #銅鍋米線 #酸辣米線#炸蝦膠豆卜 #招牌豬扒 #紅薯粉#米線控 #香港美食 #抵食之選…查看更多

📍春城銅鍋米線（尖沙咀）經過厚福街呢條食街就試咗呢間米線，原來佢啲米線仲要真係用銅鍋上菜，勁特別😗🥢招牌豬扒酸酸辣辣銅鍋米線 ($55)豬扒酸辣米線叫咗小辣，唔好睇小因為佢都辣得幾過癮😝 豬扒係另外上，又大塊又鬆軟湯料份量都係滿滿的，有酸菜，木耳，腐皮，芽菜，肉絲🥢招牌海南胡椒豬肚雞米線 ($68)個日咁岩天氣轉涼，飲呢個胡椒豬肚湯就啱晒🙂‍↔️湯底好暖胃😝雞肉嫩滑，豬肚厚身軟冧🥢炸脆脆蝦膠豆卜 ($38)豆卜反轉黎炸再係入面釀左蝦膠，豆卜香脆，蝦膠彈牙，再點埋甜酸醬，層次好豐富🥰🔎春城銅鍋米線（尖沙咀）尖沙咀厚福街多富閣地鋪…查看更多

餐廳主打係佢哋用古法銅鍋上桌，保溫效果超強，熱辣辣食到最後一啖都唔會凍，米線保持到最完美彈牙口感。必試招牌「豬扒酸酸辣辣銅鍋米線」，塊豬扒大過你隻手，厚切多汁！湯底酸辣開胃，配料超豐富：肉碎、芽菜、腐皮、酸菜、木耳絲、甜酸菜一應俱全，層次感十足。小食都好強！「炸脆脆蝦膠豆卜」外皮炸到金黃香脆，一咬爆開彈牙鮮甜蝦膠，配甜酸醬超正，開胃一流；「唐揚炸雞」外脆內嫩，肉汁鎖得住；「口水雞米線」份量超多，醬汁酸辣平衡，辣度啱啱好刺激味蕾，食完成個人都滿足晒！整體性價比極高，愛食酸辣米線嘅朋友千祈唔好錯過！…查看更多

尖沙咀米線控的一個不錯選擇。😋😋今晚兩個人食晚餐，兩個都揀食米線😁招牌豬扒酸酸辣辣銅鍋米線米線用銅鍋裝著幾得意，再加上用銅鍋裝，慢慢食都仲係熱辣辣。酸辣湯底，食落幾開胃，豬扒大大塊另外分上，食落一啲都唔“痴”牙，另外米線原本就有肉碎，木耳絲跟腐皮，食落夠豐富。😋麻辣牛腩銅鍋米線揀左小小辣，食落岩岩好，唔會話好辣。牛腩好味，仲有搭點牛根，正😋有既配料跟另一款差唔多，都係咁好味。另加左份炸脆脆蝦膠豆卜見好多枱都有點，果然係唔錯，外層豆卜炸到好香脆，入面既蝦膠又彈牙，好味😍…查看更多

天氣咁凍岩哂食銅鍋米線，又暖又開胃，米線仲可以揀腍啲或者爽啲。招牌豬扒酸酸辣辣銅鍋米線銅鍋保溫效果好，食到最後都係熱辣辣嘅，天氣凍左食佢，特別舒服。豬扒分量超足，金黃酥脆，嫩到爆汁！浸係酸辣湯吃底食一樣滋味香，口感層次超豐富。招牌海南胡椒豬肚雞米線肚處理得超乾淨，一點腥味都無，煮得軟爛又帶嚼勁，雞肉滑嫩。胡椒湯底濃郁帶微辣感，唔會過於刺激，好暖胃。炸脆脆蝦膠豆卜呢個招牌真係名不虛傳，勁驚喜，差唔多每枱都有人點啊！脆豆卜碎包係外面，裡面塞滿Q彈蝦膠，蝦肉鮮甜同豆卜豆香，鮮～緊實又彈牙！同外層酥脆嘅豆卜形成絕配。…查看更多

呢間米線OMW同同事無論堂食定外賣都食咗無數次，真心好正，佢無論係湯底、配料、配菜都好好味，食得出佢嘅用心，而且無論食辣、唔食辣嘅都可以食呢間。 🍗配料 （至少兩餸）呢度啲餸好高質！平時OMW嗌香炸豬扒、五香牛展，而今次嗌咗雞肉。💯香炸豬扒好好食，一塊勁大塊，係厚切果種，冇用粉炸，貼心地剪咗，分開上，不會太乾/太咸，肉質頗軟腍，好入味！同事話堂食更好食，OMW就覺得外賣嘅已經好好味，我覺得係呢度必食！💯五香牛展又係好上色、好入味，有3塊（份量唔算好多），味道係恰到好處嘅鹹；口感係啱啱好，唔會煮到爛晒，仲保留倒中間果種膠質感，好正。💯雞肉。唔知有冇人同OMW一樣好唔鍾意啲有膻味嘅雞，呢度嘅雞肉合格，似係新鮮雞（都有可能係有處理得好好嘅冰鮮雞，但似新鮮），有雞味，係好食嘅雞。🉑 唐揚炸雞件，佢新開嘅時候我會叫，有5大粒。不過食咗兩三次之後突然變鹹，因為太鹹之後冇再食lu，但跟米線個價錢有5粒真係好抵，唔怕鹹可以試吓。🉑其他餸推介：我見同事仲會叫蠔仔、螺旋藻，仲有蟲草花椰子雞米線，可以試吓。 🥬米線與配菜米線質感同平時食嘅差唔多，唔會過淋。呢度嘅米線本身有跟：生菜、木耳絲、肉碎、(腐皮)、芽菜、甜酸菜。平時OMW會走芽菜、甜酸菜，腐皮好似見唔到，其他嘅都好唔錯，OMW覺得用高質嚟形容都唔誇張。🉑生菜，雖然個menu冇寫，但平時都會跟一片生菜，唔算好完整，但算叫唔使加錢有菜食。💯木耳絲：好爽脆，增加口感！💯肉碎：好明顯係新鮮豬肉，而且冇碎骨。 💯春城麻辣銅鍋米線 🍜湯底：麻辣湯底（小辣）OMW食開小辣，佢個麻辣好正、好好味，暫時係OMW排名No.1嘅麻辣湯底！食落係有層次嘅麻辣，辣度主要係靠面頭嘅辣油，所以食到尾會冇咁辣咁。如果第一次食呢間麻辣，一定建議BB辣先，之後再加上去🔥辣感真係好個人，畀大家參考返，呢間我食開小辣，譚仔食開五小/三小。除咗麻辣，仲有酸酸辣辣銅鍋米線，大多數同事都係嗌呢個。如果唔食得辣嘅同事，會嗌清湯或者蟲草花椰子雞米線～ 🉑飲品特別想highlight返: 呢度檸檬利賓納同其他嘢飲同價，好吸引！ 💜總結：呢度畀OMW感覺係一間用心對待食材，尊重食物嘅餐廳。啲嘢好食，但價錢就$75-$120。我又要講返果句：如果好食嘅話，畀多少少錢都抵。另外，堂食真係用銅鍋上米線，打卡able! 不過食呢間我只係為咗食好食嘅嘢啦😌 💜溫馨提示：堂食嘅話，Lunch都會有人排隊，預返時間，或者早少少。左邊果排有個位冷氣機滴水，唔知整返好未呢？坐低前睇清楚先坐😜 📍 春城銅鍋米線 (💯外賣-尖沙咀)>尖沙咀厚福街6號地舖>香港旺角砵蘭街175號地舖 ✨亮點：無論係麻辣湯底、跟米線嘅配菜，定係可以揀嘅餸都好高質，好好食！Go！ 🙇🏻‍♀️特別嗚謝：勞苦功高、日曬雨淋嘅外賣員！ 💡長知識時間：問：春城即係中國邊個城市？答：答案係昆明市。根據維基百科，昆明的別稱是「春城」，因其夏無酷暑、冬無嚴寒、氣候宜人，具有典型的溫帶氣候特點。 #omw食米線 #omw食肉肉 #omw尖沙咀 #omw油尖旺 #尖沙咀lunch #hkfoodie #hkfoodshare #hkkoreanfood #hkrestaurant #香港美食 #油尖旺美食 #尖沙咀美食 #香港米線（以下係幾次嘅食物相📸）…查看更多