十下火鍋

時光倒流三十年，「十下」以80年代嘅舊屋邨裝修，感覺懷舊，令我重拾昔日返屋企食飯嘅感覺，聚埋一齊「十下」「十下」。十下二人套餐（$288）套餐全包制，有湯底有牛肉有手打丸有菜有飲品。首先係湯底，呢個係鴛鴦湯底：養生豆乳白鍋+十下麻辣鍋。養生白湯藥材味濃；麻辣鍋就夠辣味，兩個鍋都有蜂巢凍豆腐同鴨血，好有台灣味。手切牛肉份量足，陳皮魚蛋夠懷舊，仲有響鈴、鴨血同冬粉可以索湯。手打三寶滑、鳳城水餃同最有驚喜嘅花雕雞件，充滿酒香，放落白湯更有淡淡藥材味，整體味道更突出！蔬菜拼盤及流心粟米丸、醬爆貢丸。套餐加$15可以轉酸梅湯、洛神花茶或呢個竹蔗茅根。