盛記酒家

营业中

休息中

酒樓要搭lift上3樓，一出lift門就見到保留住老派酒樓格局，晚上黎講坐位差唔多坐滿。菜式選擇算多，店員推介我哋食帶子，做緊優惠，見到隔離兩台都叫咗好大粒，但我哋無咩興趣，我哋叫咗前菜，海蜇燻蹄，爽口煙韌有啲麻油味。咖喱鮮牛腩煲，份量很多，牛腩同牛筋超腍身，而且咖哩好入味，上枱時熱辣辣，連埋爽口洋蔥撈飯一流。盛記小炒王，有韭菜，蝦乾，菜脯，魷魚，蝦，口感豐富鑊氣十足。係灣仔區來說價錢非常合理，味道一流。