影片
更多
2022-08-31
99 浏览
🔸脆脆平安包 (流沙奶黄) $28賣相幾特別，長洲嘅平安包都可以炸😆個包表面略脆，包身都軟熟嘅，不過奶黄就唔太流心，甜甜哋但唔香奶黃味🙈🔸鹿兒島一口豚 $18呢個味道唔錯！肥瘦適中，肉質爽口！🔸炸雞皮 $12都幾脆但係冇乜味…少少失望🔸鹽燒牛舌 $28調味恰度好處，牛味香濃，但係燒得過咗火，邊邊位好乾，咬到我牙骹‘gok’一聲…🔸日本小甘薯 $15香甜軟熟，味道唔錯～🔸豚肉京蔥卷 $28呢個真係好孤寒…勁少豚肉，連包住條京蔥半個圈都冇…Mean少少講，佢個名改做燒京蔥伴豚肉碎比較貼切…🥲🔸豬頸肉 $18味道不過不失，不過份量都係少咗啲…🔸炸雙皮奶 $22似乎炸得燶咗少少，外皮都脆嘅～雙皮奶嘅內餡甜甜哋，奶味唔突出，口感軟滑但唔係流心嘅🔸廣島蠔 $38呢個係所有嘢入面最好食嘅！蠔味鮮甜，一啲都唔腥，調味適中，惹味得嚟都唔會蓋過蠔嘅鮮味～🔸雞皮餃子 $25呢個都係炸得燶咗少少，雞皮香脆，內餡嘅雞肉唔乾，味道不過不失～🔸台灣直送雞腿卷 $38呢個係大大件雞腿肉～大致上肉質都嫩滑嘅，不過有一忽仔可能燒耐咗乾身咗，有啲鞋同痴牙🙈 雞肉唔入味，雞腿卷表面食到有啲五香粉調味，但入面嘅雞肉就冇乜味喇～
賣相幾特別，長洲嘅平安包都可以炸😆
個包表面略脆，包身都軟熟嘅，不過奶黄就唔太流心，甜甜哋但唔香奶黃味🙈
🔸鹿兒島一口豚 $18
呢個味道唔錯！肥瘦適中，肉質爽口！
🔸炸雞皮 $12
都幾脆但係冇乜味…少少失望
🔸鹽燒牛舌 $28
調味恰度好處，牛味香濃，但係燒得過咗火，邊邊位好乾，咬到我牙骹‘gok’一聲…
🔸日本小甘薯 $15
香甜軟熟，味道唔錯～
🔸豚肉京蔥卷 $28
呢個真係好孤寒…勁少豚肉，連包住條京蔥半個圈都冇…
Mean少少講，佢個名改做燒京蔥伴豚肉碎比較貼切…🥲
🔸豬頸肉 $18
味道不過不失，不過份量都係少咗啲…
🔸炸雙皮奶 $22
似乎炸得燶咗少少，外皮都脆嘅～雙皮奶嘅內餡甜甜哋，奶味唔突出，口感軟滑但唔係流心嘅
🔸廣島蠔 $38
呢個係所有嘢入面最好食嘅！蠔味鮮甜，一啲都唔腥，調味適中，惹味得嚟都唔會蓋過蠔嘅鮮味～
🔸雞皮餃子 $25
呢個都係炸得燶咗少少，雞皮香脆，內餡嘅雞肉唔乾，味道不過不失～
🔸台灣直送雞腿卷 $38
呢個係大大件雞腿肉～大致上肉質都嫩滑嘅，不過有一忽仔可能燒耐咗乾身咗，有啲鞋同痴牙🙈 雞肉唔入味，雞腿卷表面食到有啲五香粉調味，但入面嘅雞肉就冇乜味喇～
🔸鐵漢撈 $25
呢個幾特別，係用咗類似孜然粉等等嘅調味撈嘅麵～味道唔錯
不過個麵就煮得耐咗，好稔同有少少黏口…
如果口感爽口返啲，會加分好多！
🔸山楂蜂蜜梳打 $40
味道幾特別，有淡淡嘅山楂味，偏甜～
🔸ᴀsᴀʜɪ 烏龍茶 $28
淡淡嘅烏龍茶～
餐廳嘅裝飾佈置同播嘅音樂都好有舊香港嘅感覺～係幾有特色嘅～不過嘢食味道普通，份量少咗啲，性價比唔高，有啲失望，未必再嚟喇～🙈
张贴
