保頓冰室

营业中

休息中

約咗朋友去尖沙咀食lunch,經過亞士厘道，見到有間新開嘅冰室，於是乎我哋就入去試吓。保頓冰室裝璜充滿懷舊風格，牆上掛滿懷舊廣告，環境光猛整潔。咖喱雞髀煎蛋飯：雞脾好大隻，係即叫即生炸，皮脆肉嫩，配兩個隻流心煎蛋，加埋特製咖喱汁，非常惹味！銀牌公司燴意粉：配料有煎蛋、餐肉、火腿、廚師腸、漢堡扒，十分豐富，用辣辣哋嘅黑椒汁燴，美味可口！紅豆冰：紅豆的香甜，加上順滑濃郁的淡奶香，永遠是不敗的配搭！雪糕菠蘿包：菠蘿包夾著兩個雪糕球，真係未試過，通常都係夾牛油，菠蘿包好香甜，雪糕甜美滑溜，雙重口感，又是另一種風味。