十下火鍋

火鍋店行懷舊風, 好似去番六十年代咁, 別有一番風味呢!點左十下二人精選套餐 $368 (每位) 火鍋醬料雖然唔係太多選擇, 但基本醬料都有齊飲品點了冬瓜茶, 每日新鮮煲, 唔會太甜亦好解喝套餐包一款湯底 十款配料 飲品 醬料。湯底揀左 "火瞳花膠魚肚雞湯"，加左川芎白芷去煲，滲出淡淡藥材香，但又唔會濃到似飲緊藥材湯，加上本身雞湯 用真材實料去熬製，非常鮮美花膠同沙爆魚肚都比得好大方，既厚身又大塊，仲有金華火腿同素翅，呢個湯絕不欺場👍同媽咪每人飲左兩大碗。強烈建議大家飲多幾碗湯，因為之後係refill清湯去打邊爐，所以唔好浪費左個靚湯嘛😁之後職員幫我地將雞斬件，無諗過煲湯雞都仲咁嫩滑又有雞味。十款配料中，最愛牛白胸膀油，香港唔多地方有得食，所以有得食 一定要食多啲。唔好睇佢成塊肥膏咁 以為好肥膩，錯啦，淥完後，係爽口帶油脂香，好食。另外，十下三寶滑 絕對係創意之作：鹹蛋黄蝦滑、臘腸鯪魚滑同辣椒馬蹄牛筋滑。估唔到幾樣南轅北轍既材料mix埋又唔差啵。除左牛筋滑偏硬外，其餘果兩款都夠彈牙。另外，當然唔少得手切本地牛肉，牛味挺濃，肉質有嚼勁。其餘配料仲有果皮魚蛋， 流心粟米丸，醬爆瀨尿牛丸，鴨