十下火鍋

夜晚黎到呢間懷舊既銅鑼灣十下火鍋店，餐具、擺設和音樂都走懷舊風，令人彷彿置身在七八十年香港﹗差不多七點時去到，見到好爆場，基本上要訂位先可以入去食。我和友人叫左二人餐 ($576加一)，揀左番茄鮮魚湯同埋胡椒豬肚湯。番茄鮮魚湯真係有成條魚尾🐟，湯滾後侍應就會幫手撈出來﹗胡椒豬肚湯入面有好多爽口酸菜同豬肚，真材實料😋﹗伙計服務態度殷勤，不時過來「筆」湯泡👍。醬料的部分，呢度醬料是一個盆的形式呈上，可以讓客人自己任意調配醬料，要小心既係大水壺裝既先係豉油。推介:🐥花雕雞嫩肉上面撒左少少杞子，雞肉食落鮮嫩有花雕酒味🔸三寶滑港式風味的臘腸鯪魚滑、鮮打鹹蛋黃蝦滑、辣椒馬蹄牛筋滑，有蟹子粒係上面，店員仲會幫手放落鍋入面﹗🍡陳皮魚蛋第一次食打邊爐可以食到陳皮魚蛋，幾彈牙有口感~~🌽流心粟米丸入面有熱辣辣嘅粟米湯，清甜好味呀！🦆鴨血不易挾爛，鮮嫰入味🐂大刀手切牛肉，牛味香濃，嫰滑冇筋﹗仲有響鈴、鳳城水餃、貢丸、寬冬粉、蔬菜拼盤等，兩個人飽到捧住個🐽肚走﹗