影片
更多
2019-05-11
2118 浏览
睇舞台劇前決定係美食集中地登龍街搵食網上搜尋見到間樓上火鍋 主打懷舊七八十年代風格誇門而入真係好似時光倒流 紅色摺櫈綠色階磚 日歷雪櫃紅雙囍水壺收音機 仿如置身公公舊屋一樣店員先送上醬料 可以自行配搭今晚我地食十下二人套餐 ($288/位)包括鴛鴦湯底 醬芥 十一款食材 以及兩罐飲品五種湯底中挑選咗養生豆乳白鍋併滋潤本瓜蕃茄鮮魚湯白鍋帶濃郁藥膳香 以紅棗 杞子 蜂巢豆腐等作配料 建議淥野食前先飲一碗湯底 感受下原汁原味紅鍋最估佢唔到 一個湯底兩種食法用上原條鯇魚尾淆製 湯底無腥味之餘更顯鮮甜 其後店員將佢撈起 魚肉依然細滑 魚尾滾得又食得我地先淥大刀手切本地牛肉 相比一般美國肥牛 本地牛肉更為多肉少脂肪顏色鮮紅 入口重牛味 咬落無筋兼嫩滑有嚼勁肉質屬厚實型 唔係平時食到嘅薄薄一片而且份量多 絕對滿足到我地兩個牛魔王至於花雕雞嫩肉 雞件已預先去除雞皮 以免雞皮滲出油份影響湯底味道 經過烚煮雞肉保持嫩滑 無變得老或者韌花雕香氣停留肉之中 並未被蒸發 相信醃製過程落咗唔少功夫食完肉類就食我最愛嘅丸餃類 招牌菜十下三寶滑 遠睇似三粒大丸分別係臘腸鯪
網上搜尋見到間樓上火鍋 主打懷舊七八十年代風格
誇門而入真係好似時光倒流 紅色摺櫈綠色階磚 日歷雪櫃紅雙囍水壺收音機 仿如置身公公舊屋一樣
店員先送上醬料 可以自行配搭
今晚我地食十下二人套餐 ($288/位)
包括鴛鴦湯底 醬芥 十一款食材 以及兩罐飲品
五種湯底中挑選咗養生豆乳白鍋併滋潤本瓜蕃茄鮮魚湯
白鍋帶濃郁藥膳香 以紅棗 杞子 蜂巢豆腐等作配料
建議淥野食前先飲一碗湯底 感受下原汁原味
紅鍋最估佢唔到 一個湯底兩種食法
用上原條鯇魚尾淆製 湯底無腥味之餘更顯鮮甜
其後店員將佢撈起 魚肉依然細滑 魚尾滾得又食得
我地先淥大刀手切本地牛肉
相比一般美國肥牛 本地牛肉更為多肉少脂肪
顏色鮮紅 入口重牛味 咬落無筋兼嫩滑有嚼勁
肉質屬厚實型 唔係平時食到嘅薄薄一片
而且份量多 絕對滿足到我地兩個牛魔王
至於花雕雞嫩肉 雞件已預先去除雞皮
以免雞皮滲出油份影響湯底味道
經過烚煮雞肉保持嫩滑 無變得老或者韌
花雕香氣停留肉之中 並未被蒸發
相信醃製過程落咗唔少功夫
食完肉類就食我最愛嘅丸餃類
招牌菜十下三寶滑 遠睇似三粒大丸
分別係臘腸鯪魚滑 鹹蛋黃蝦滑 同埋馬蹄牛筋滑
打成膠狀嘅三寶滑爽彈唔黏口
釀入嘅饀料可以豐富味道 仲令三寶滑更有口感
大推懷舊果皮魚蛋 的骰小巧但又非常彈牙
夾雜陣陣果皮甘香 香港已經好少機會食到
流心粟米丸以及三星蔥醬爆貢丸 兩款都屬爆汁系列
前者係金黃色外層 內藏流心芝士配粒粒粟米
一軟一爽 平衡芝士油膩口感 食落反而變得有層次
後者先黎個溫馨提示 第一口切勿心急
咬開係爆瀉嘅熱辣辣豬肉湯汁 再混合三星蔥
蔥香配合豬肉鮮味 扎實Q彈
水餃控表示欣賞鳳城水餃 大大隻又皮薄餡靚
爽脆口感 由木耳 竹筍 鮮蝦 半肥瘦肥肉而成 夠真材實料
打邊爐又點少得爽滑鴨血 入口滑溜但無散開
自帶鴨香 加上盡吸湯底精華 味道同口感都一流
蔬菜拼盤集合冬菇 粟米 蘿蔔 生菜 娃娃菜
蘿蔔同粟米清甜爽口 娃娃菜軟香並滲滿湯底
平衡火鍋多肉少菜局面 達致消滯去除油膩感
脆炸響鈴 濃厚大豆味 淥三秒即時撈起食得
今晚以麵食作總結 係平日比較少有嘅寬冬粉
通透彈牙唔掛油 放白湯似食藥膳麵帶甘香
放紅湯就似媽媽親手煮 有家的感覺
身處咁有心思餐廳食飯其實係一種享受
由裝修至食物 音樂播放七八十年代流行經典
首首都耳熟能詳 什至碗筷都用上「萬壽無疆」系列
對於香港人係集體回憶 對遊客而言絕對會係難忘體驗
张贴
