影片
更多
2019-07-07
110 浏览
當食肉獸遇上草食動物時，究竟有咩餐廳，有咩野食可以岩哂2個人口味，答案就係打邊爐十下十下啦~同朋友黎到呢間餐廳，Lift門一打開，就睇到舊式磚牆上，仿書法嘅「十下火鍋、招牌，不用多想，就已經估到呢度係以懷古香港做主題的餐廳。入到店內，果然見到霓虹燈又綠又紅的招牌，舊香港大排檔式的大圓桌木椅子，綠色的膠筷子，滿有懷古色彩的餐具碗碟同裝潢。我地2個女仔唔食得多，所以簡左「十下二人套餐」，每位$288。我地簡左2個湯底，養生豆乳白鍋 同埋 十下麻辣鍋。2個湯底都好足料，養生豆乳白鍋之所以養生係因為，除左豆腐同豆乳湯底外，入面仲落左杞子、紅棗、杞山、北芪等等嘅正氣嘅食材，飲落都幾甜同暖胃；而麻辣鍋未食就已經先覺得會又麻又辣。點完個鍋，店員好快就拎左個調味盤俾我地自己調心儀嘅醬汁，我就梗係梗左我嘅至愛又百搭嘅蒜泥、蔥花、蒜乾、辣椒同鼓油，再加少少麻油，令到個醬香上加香啦。我地調完之後，店員就幫我地拎返走個托盤啦。坐左一陣之後，個湯底已經好快咁拎到我地面前，而個爐都夠力，隔左一陣，個湯就已經再滾返。而套餐嘅餸亦都一次過送過黎，Timing 夾得剛剛好。大刀手切本地牛肉，牛都幾厚身，同大大塊，食落牛
同朋友黎到呢間餐廳，Lift門一打開，就睇到舊式磚牆上，仿書法嘅「十下火鍋、招牌，不用多想，就已經估到呢度係以懷古香港做主題的餐廳。入到店內，果然見到霓虹燈又綠又紅的招牌，舊香港大排檔式的大圓桌木椅子，綠色的膠筷子，滿有懷古色彩的餐具碗碟同裝潢。
我地2個女仔唔食得多，所以簡左「十下二人套餐」，每位$288。
我地簡左2個湯底，養生豆乳白鍋 同埋 十下麻辣鍋。2個湯底都好足料，養生豆乳白鍋之所以養生係因為，除左豆腐同豆乳湯底外，入面仲落左杞子、紅棗、杞山、北芪等等嘅正氣嘅食材，飲落都幾甜同暖胃；而麻辣鍋未食就已經先覺得會又麻又辣。
點完個鍋，店員好快就拎左個調味盤俾我地自己調心儀嘅醬汁，我就梗係梗左我嘅至愛又百搭嘅蒜泥、蔥花、蒜乾、辣椒同鼓油，再加少少麻油，令到個醬香上加香啦。我地調完之後，店員就幫我地拎返走個托盤啦。
坐左一陣之後，個湯底已經好快咁拎到我地面前，而個爐都夠力，隔左一陣，個湯就已經再滾返。而套餐嘅餸亦都一次過送過黎，Timing 夾得剛剛好。
大刀手切本地牛肉，牛都幾厚身，同大大塊，食落牛味都幾濃，都幾腍身，同平時食開嘅雪花牛風味唔同。
花雕雞嫩肉，好香酒味，雞肉好鮮嫩，同埋帶少少甜味，而我地食到最後發現有件雞係底，夾埋黎食D雞肉都仲係好嫩。
十下三寶滑，分別係馬蹄牛根滑、臘腸魚滑、咸蛋蝦滑，三個滑都好彈牙同爽口，而味道都好好食，呢個Ball滑份量都幾多下，牛滑好似比較少見，但食落都幾驚喜同好食。
懷舊果皮魚蛋，唔知係咪因為陳皮貴，係香港想食陳皮魚蛋真係賣少見少，細細粒，彈牙，帶少少甘香，果然係懷古嘅味道。
流心粟米丸，第一次試呢款丸，入面原來係粟米、芝士同Cream，個Combination都幾新鮮。
三星蔥醬貢丸，貢丸嘅豬香味濃，入面帶少少蔥味，同樣都係彈牙好味之選。
鳳城水餃，肥大飽滿嘅水餃，一咬又係好彈牙，事關入面有蝦肉、木耳絲等，如果可以食多幾粒就好Lo。
脆炸響鈴，打邊爐必食，放入湯2秒就食我，放入麻辣鍋食，超正，超索味！
寬冬粉，冬粉口感煙韌，而煮得落仲好入味添！
蔬菜拼盤，菜蔬夠新鮮，都幾甜，我位食肉朋友都口多多偷食我D菜添。XD
呢度每位包2位野食，我同朋友就簡左清涼爽黎飲，甜甜地食麻辣野就最正啦。
张贴
