OX Steak Lounge

营业中

休息中

見小朋友考完試兩公婆就出去搵間好嘅餐廳輕鬆吓，我哋兩個都鍾意鋸扒，所以就揀咗呢間扒房。我哋叫咗兩個set dinner，每個餐都好豐富。頭盤有自家製生牛肉他他和牛凱撒沙律。生牛肉鮮嫩，帶著淡淡的鹹香，味道非常新鮮。牛凱撒沙律啲牛肉細細片好好味，搭配脆爽的生菜，吃起來清新又不膩。再來牛肝菌野菌忌廉湯，牛肝菌和其他野菌一粒粒融入忌廉湯，少少creamy，濃度剛剛好。將牛油包點湯食就一流。特別一提，的牛油放喺OX牛骨髓入面好特別。由於我哋兩個都鍾意食牛，所以兩個主菜都叫咗牛扒，一個係香煎澳洲PR級草飼肉眼扒，叫左6成熟，肉汁豐富，脂肪多一點，但一啲都不肥膩。至於美國頂級Prime肉眼扒，肉質鮮嫩，簡單卻極致美味。飲品叫左菠蘿汁和士多啤梨梳打，飲品清新，不會太甜，喝完後感覺提神。甜品要左栗子Tiramisu和特濃開心果麻糬杯。Tiramisu 甜而不膩，滑順且層次分明，栗子的香氣濃郁。麻糬再加香濃的開心果醬，口感滑順，令人驚喜。