小野人

营业中

休息中

今日去沙田行街，順便去食晚飯，諗住食下串燒，呢間餐廳主打串燒類，款式多樣化，價錢親民，平均都係十幾蚊一串左右，串燒仲可以揀口味，有鹽燒、川燒、醬燒環境乾淨企理，坐得好舒服，每枱都有個保溫爐熱住啲串燒，好貼心➤小野人黑松露蘑菇烤飯🍄 $58蘑菇加黑松露醬，有少少黑松露香，面頭有沙律醬，仲附送七八片紫菜，包住食好似食緊壽司咁➤芝士撈一丁🧀 $39.9想像到嘅味道，邪惡之選，勁多芝士鋪面，幾濃芝士味同香，趁熱撈埋啲麵就可以啖啖芝士➤北海道蒜蓉粉絲大扇貝 🍘 兩隻一份 $53.6扇貝多汁鮮甜，都幾大粒，粉絲吸晒啲蒜蓉汁，正➤糖燒牛奶方包 🍞 2串一份 $18燒過嘅方包，搽左煉奶同有糖粒係面頭，食到糖粒脆脆地，好有奶香，唔錯➤台灣小香腸 🍢 一串一份 $16爆汁，好味➤燒雞腿肉串 🍢 4串一份 $43.2雞脾肉滑多汁，外焦內嫩，醬汁調味適中➤燒墨魚丸串 🍢 4串一份 $31.2墨魚丸切半為一串，面頭有層蜜糖➤燒小蕃茄豚肉捲 🍢 一串 $28一片豚肉片包住小蕃茄，蕃茄仔一咬爆汁➤醬燒金針菇牛五花捲 🍢 一串 $28一串三舊，一塊五花肉包住，金針菇吸哂啲汁➤小野人草莓沙冰 🍹$28唔係化學味嘅草莓味