天天海南雞飯 (新城市廣場三期)

营业中

休息中

情人節唔一定食西餐，今年我哋就揀左間新加坡米芝蓮餐廳食情人節飯。餐廳好多人，燈光光猛得黎柔和，環境乾淨整齊，坐位寬闊，坐得舒服。餐廳個主餐牌勁多選擇，老公見到個情人節套餐，覺得唔錯，又多嘢食，價錢合理，所以揀左呢個。清爽紅蜇頭：呢個係前菜，裡面有芥蘭、馬蹄同紅蜇頭，每樣嘢都爽口，味道酸酸地，做開胃菜係幾好。啜啜戀醉蝦：蝦算大隻，新鮮爽口，酒味濃，好食喎。鴛鴦菜花：鴛鴦菜係椰菜花同芥蘭葉，另外仲有炸左嘅白飯魚仔。有酒香味道，調味剛好。椰菜花容易炒燶，但佢炒得剛剛好，唔燶之餘又幾香，食得出有鑊氣。天天海南雞拼燒雞：一次過食齊兩款口味，每款都各半隻，加埋成隻雞。海南雞本身就有個秘製醬汁，唔駛點汁都夠味﹔燒雞燒得香脆，唔乾。另外兩款雞同樣都係瘦，無脂肪，入口真係好滑，啖啖肉，被封米芝蓮餐廳絕對認同。油飯 (細)：除左雞之外，佢哋飯都講究。米飯煮到粒粒分明，軟硬適中，又唔會太多雞油，但又有雞油香，值得讚。情人節限定甜品 - 豆腐奶凍：奶凍大大杯，唔算太甜，奶凍好滑，一人一半，夠晒甜蜜。