好時沙嗲

营业中

休息中

約左朋友去完睇太空館既恐龍電影之後，去左呢間成600 既個好評既餐廳到朝聖。 今次要幫差評平反。 我見有啲食評批評呢到既海南雞飯唔好食， 服務差等等既問題， 但係今次個人用餐既經驗非常良好。地方有啲穩閉,去到果陣果條街既商場都已經關門， 唯獨是係呢間仲開緊。 海南雞飯雖然份量唔大，但係價錢實惠，雞肉鮮甜， 好有雞香, 雞皮薄薄, 雞肉嫩滑， 完全唔肥膩。 而且油飯有浸薑既香味，平時唔係好食飯嘢我今日都食多幾啖。而海鮮喇沙配料唔多，有啲㝰但勝在湯底惹味香濃，椰汁味超濃， 唔算太辣，超適合香港人嘅口味。麵底幾多厚， 配料有豆卜，蝦，芽菜等等， 如果可以有鮮蜆就仲惹味。串燒麻麻地，沒有炭燒香味，而且雞肉的口感有點老，反而豬肉較香嫩。 菜就中規中矩，冇話好食, 咁多碟呢個最唔抵食。整體而言， 價錢實惠，食物味道中上,雖然份量唔多，但係質素幾唔錯。 可以再幫襯。