全日雞實驗所 (通菜街)

营业中

休息中

今日咁啱經過旺角 諗起開咗間全日雞實驗所之前出咗廣告一直好想試 行到過去，咁啱唔使等位 即刻入去搵個位坐低先 一坐低即刻有員工俾個QR code我落單 好方便 點左個雞翼餐配香飯 飯夠香最欣賞佢唔同平時啲油飯咁 有種油膩感而且夠乾身 平時唔多食飯怕肥嘅我 今次都食晒碗飯 主角海南雞好滑有雞味配埋三色醬一流 套餐仲有埋個椰子雞湯 個湯清清地食完個飯飲埋碗湯，一啲都油膩感都冇 仲追加咗個細瑤柱肉餅肉餅好香瑤柱味而且口感啱啱好 一個套餐有湯有雞有飯仲有嘢飲仲配埋個青瓜 本人好鍾意食青瓜食到一粒都冇剩 只係60幾蚊一個套餐真係超級抵食 性價比超高 今時今日香港地仲有咁高質嘅餐廳真係要支持吓下次一定要試埋個雞髀餐同埋咖央多士