影片
更多
2020-11-08
219 浏览
係the one 行完街之後就覺得好肚餓，由於時間尚早嘅關係，見到呢間餐廳唔使等位，望個餐牌發現菜式都幾多選擇，而且價錢合理，所以決定喺呢度食晚飯。呢度有裝修都幾靚，而且位與位之間唔會太過擠迫，都坐得幾舒服。店員都好熱心推介呢度有咩好食，服務幾好，加分👍🏻法國新鮮生蠔生蠔一共有四隻，大小適中，食落去蠔濃郁，而且好新鮮，配上檸檬汁，食完更加開胃。布拉塔芝士佐蕃茄三重奏點左呢個芝士沙律，擺盤都幾靚，入面有好多細細粒嘅蕃茄，蕃茄鮮甜美味，一啖食一粒好快食晒。芝士方面芝士味唔算好濃，但係配合蕃茄一齊食出奇地夾。經典肉眼扒配薯條牛扒都幾大塊，我哋點五成熟，煮得啱啱好。牛味濃郁，肉質偏結實，薯條應該都係食點食炸，咬落去嘅時候仲出緊煙😆😆😆紅酒燉牛肉扁意粉本身望落去會以為個牛肉好乾，好彩一啲都唔係，炆得好入味，個醬汁都濃郁，有少少紅酒嘅酒味，每一條意粉都掛到個汁，好食到我哋兩個人唔使5分鐘就食晒。士多啤梨提拉米蘇平時食嘅提拉米蘇都係咖啡色，呢個賣相有驚喜，本身個甜品唔係太甜，但係配埋士多啤梨醬，就啱啱好，呢個甜品為我哋嘅晚餐畫上一個完美嘅句號。整體而言，呢間餐廳性價比高，各款食物質素都熟水準之上，而
呢度有裝修都幾靚，而且位與位之間唔會太過擠迫，都坐得幾舒服。
店員都好熱心推介呢度有咩好食，服務幾好，加分👍🏻
法國新鮮生蠔
生蠔一共有四隻，大小適中，食落去蠔濃郁，而且好新鮮，配上檸檬汁，食完更加開胃。
布拉塔芝士佐蕃茄三重奏
點左呢個芝士沙律，擺盤都幾靚，入面有好多細細粒嘅蕃茄，蕃茄鮮甜美味，一啖食一粒好快食晒。芝士方面芝士味唔算好濃，但係配合蕃茄一齊食出奇地夾。
經典肉眼扒配薯條
牛扒都幾大塊，我哋點五成熟，煮得啱啱好。
牛味濃郁，肉質偏結實，薯條應該都係食點食炸，咬落去嘅時候仲出緊煙😆😆😆
紅酒燉牛肉扁意粉
本身望落去會以為個牛肉好乾，好彩一啲都唔係，炆得好入味，個醬汁都濃郁，有少少紅酒嘅酒味，每一條意粉都掛到個汁，好食到我哋兩個人唔使5分鐘就食晒。
士多啤梨提拉米蘇
平時食嘅提拉米蘇都係咖啡色，呢個賣相有驚喜，本身個甜品唔係太甜，但係配埋士多啤梨醬，就啱啱好，呢個甜品為我哋嘅晚餐畫上一個完美嘅句號。
整體而言，呢間餐廳性價比高，各款食物質素都熟水準之上，而且服務員嘅態度好好，好用心講解餐牌同埋會推介，下次會再返嚟！
张贴
