影片
更多
2023-11-10
18 浏览
喺尖沙咀/中環食日本串燒每串都唔平，今日呢間日本串燒店全部都係$38/$48，價錢唔算貴，一於試吓質素係點！餐廳有吧檯位可以近距離欣賞製作過程，亦都有四人檯同室外座位，不過餐廳位置唔多，我哋當日閒日過去餐廳都滿咗7成，想食嘅建議先訂位！點完嘢食店員就遞上調味粉版俾我地，有4款鹽(抹茶鹽、柚子鹽、檸檬鹽、同咖喱鹽)、一味粉、七味粉同山椒粉，但係大部份串燒調味都好夠，唔太需要點都得🤓▫️燒鱈魚乾 ($48)燒到好乾身，食落脆卜卜好香口，沙律醬上面落咗七味粉，點嚟一齊食好惹味，簡直送酒一流！▫️燒雞頸肉 ($38)個人幾鍾意雞頸肉嘅口感，唔會好淋又有咬口，食落有彈性▫️雞皮 ($38)雞皮燒到外脆肉嫩，仲食到嗰種油脂感▫️雞翼 ($38)本身調味已經好夠，唔洗再點調味粉▫️雞心 ($38)雞心爽口彈牙，點鹽食更吊到佢嘅鮮味▫️雞肉軟骨棒 ($48)每次去日本串燒店都必叫🤣雞肉包住軟骨，食落爽脆，點埋雞蛋一齊食多咗蛋香味之餘又可以解膩🥰▫️燒蘆荀 ($38)蘆荀唔會燒到乾鯁鯁，食落清甜可以▫️豆苗三元豚肉卷 ($48)包豆苗卷真係第一次見，豆苗中和咗燒豚肉嗰種油膩感，有驚喜！▫️醬油燒飯團 ($38)飯團熱辣辣
餐廳有吧檯位可以近距離欣賞製作過程，亦都有四人檯同室外座位，不過餐廳位置唔多，我哋當日閒日過去餐廳都滿咗7成，想食嘅建議先訂位！
點完嘢食店員就遞上調味粉版俾我地，有4款鹽(抹茶鹽、柚子鹽、檸檬鹽、同咖喱鹽)、一味粉、七味粉同山椒粉，但係大部份串燒調味都好夠，唔太需要點都得🤓
▫️燒鱈魚乾 ($48)
燒到好乾身，食落脆卜卜好香口，沙律醬上面落咗七味粉，點嚟一齊食好惹味，簡直送酒一流！
▫️燒雞頸肉 ($38)
個人幾鍾意雞頸肉嘅口感，唔會好淋又有咬口，食落有彈性
▫️雞皮 ($38)
雞皮燒到外脆肉嫩，仲食到嗰種油脂感
▫️雞翼 ($38)
本身調味已經好夠，唔洗再點調味粉
▫️雞心 ($38)
雞心爽口彈牙，點鹽食更吊到佢嘅鮮味
▫️雞肉軟骨棒 ($48)
每次去日本串燒店都必叫🤣雞肉包住軟骨，食落爽脆，點埋雞蛋一齊食多咗蛋香味之餘又可以解膩🥰
▫️燒蘆荀 ($38)
蘆荀唔會燒到乾鯁鯁，食落清甜可以
▫️豆苗三元豚肉卷 ($48)
包豆苗卷真係第一次見，豆苗中和咗燒豚肉嗰種油膩感，有驚喜！
▫️醬油燒飯團 ($38)
飯團熱辣辣，用脆卜卜嘅紫菜包住，外層燒到香脆，醬汁唔會好
▫️️燒秋葵 ($38)
我本身唔食秋葵，但係見朋友叫咗就試吓，點知又ok wor🤣秋葵燒到好乾身，口感爽脆，冇我唔鍾意嘅黏黏口感。
▫️抹茶蕨餅 ($38)
啱啱係雪櫃攞出嚟有啲太凍，口感唔算煙韌，但係抹茶味夠濃
叫咗咁多嘢人均都係$400左右，性價比算幾高，加上質素唔錯，幾樣都有驚喜🤓
张贴
