影片
更多
2023-09-07
54 浏览
今日同朋友嚟到荔枝角呢間新開嘅居酒屋，我哋今次被安排坐喺吧枱位置，可以望住師傅整嘢食，滿足晒我嘅好奇心。〈秋田煙燻蘿蔔薯仔脆脆沙律〉呢一個沙律好得意，係將煙燻蘿蔔蓉同埋綿密既薯仔蓉沙律放喺脆脆嘅薯片上面，口感夠晒豐富，呢一個食法都幾新鮮感。〈自家製雞皮蝦〉係金黃色既雞皮包住虎蝦嘅串燒，雞皮燒得微微焦香，入面既虎蝦肉質夠結實彈牙。〈宮崎和牛海膽刺身（兩切）〉將和牛刺身包裹住海膽刺身，見到和牛嘅雪花紋理好靚，油脂好充足，入口即溶，海膽嘅味道亦夠鮮甜。試過先知原來兩者嘅味道係咁夾，呢一個配搭令人回味無窮，真心推薦。〈月見宮崎和牛卷（四件）〉入面既和牛本身已經好軟嫩而且夠晒油香，將上面嘅日本蛋黃篤穿，再將和牛卷沾上流心蛋汁一齊食，會令和牛口感更加嫩滑。另外我幾鐘意佢入面包住爽口既香蔥，喺帶出和牛嘅鮮味同時令成個卷嘅口感更加有層次。〈三文魚牛油果卷（六件）〉呢一款就比較普通少少喇，但都依然有水準。三文魚片新鮮而且肥美，入邊嘅牛油果夠Creamy，面頭仲有三文魚籽作為點綴。〈安格斯牛肉鰹魚湯稻庭烏冬〉我地最後叫咗一個熱食暖下胃，安格斯牛肉片係半生熟嘅，份量都幾多，烏冬嘅口感係我最鍾意嗰隻，夠扁身而
〈秋田煙燻蘿蔔薯仔脆脆沙律〉
呢一個沙律好得意，係將煙燻蘿蔔蓉同埋綿密既薯仔蓉沙律放喺脆脆嘅薯片上面，口感夠晒豐富，呢一個食法都幾新鮮感。
〈自家製雞皮蝦〉
係金黃色既雞皮包住虎蝦嘅串燒，雞皮燒得微微焦香，入面既虎蝦肉質夠結實彈牙。
〈宮崎和牛海膽刺身（兩切）〉
將和牛刺身包裹住海膽刺身，見到和牛嘅雪花紋理好靚，油脂好充足，入口即溶，海膽嘅味道亦夠鮮甜。試過先知原來兩者嘅味道係咁夾，呢一個配搭令人回味無窮，真心推薦。
〈月見宮崎和牛卷（四件）〉
入面既和牛本身已經好軟嫩而且夠晒油香，將上面嘅日本蛋黃篤穿，再將和牛卷沾上流心蛋汁一齊食，會令和牛口感更加嫩滑。另外我幾鐘意佢入面包住爽口既香蔥，喺帶出和牛嘅鮮味同時令成個卷嘅口感更加有層次。
〈三文魚牛油果卷（六件）〉
呢一款就比較普通少少喇，但都依然有水準。三文魚片新鮮而且肥美，入邊嘅牛油果夠Creamy，面頭仲有三文魚籽作為點綴。
〈安格斯牛肉鰹魚湯稻庭烏冬〉
我地最後叫咗一個熱食暖下胃，安格斯牛肉片係半生熟嘅，份量都幾多，烏冬嘅口感係我最鍾意嗰隻，夠扁身而且口感滑溜煙韌，鰹魚湯底味道清甜，唔會過鹹或太油膩。而且呢碗烏冬嘅份量都幾多，兩個人share就啱啱好。
张贴
