影片
更多
2022-08-04
75 浏览
今次試下蟹仙海鮮蒸氣鍋！地點十分方便，喺宋王臺地鐵站B3出口出咗地面之後轉個彎就到啦🥰餐牌有各式各樣嘅海鮮套餐，今次揀咗每位$419嘅專貴海鮮套餐，有貝類，魷魚，有蝦，龍蝦同埋蟹🤩首先，店員會幫你先喺個蒸鍋下面加個粥底，有海鮮湯，有芋頭，粟米，豬骨，而店員亦都解釋點解我哋同普通嘅玻璃蓋蒸鍋唔同，就係因為草滕蓋係可以吸左多餘嘅水份，而唔好以倒汗水嘅形式落返去個粥底，粥底會新鮮惹味。餐廳老闆背景：老闆本身係有多年經驗嘅海鮮批發入口商，餐廳食材大概都係日本，越南，菲律賓，韓國。所有海鮮都係活口，而琵琶龍蝦同埋蟹就係老闆親自挑選，所以如果你要食到飛機貨嘅海鮮，蟹仙絕對係不二之選。日本野生大赤蝦：平時食赤蝦都係手指尾咁細做刺身，呢一款我哋就試左蒸，蝦較厚身啖啖肉，蝦頭有蝦膏，唔需要點任何醬汁都已經可以令蝦本身嘅鮮味突出。台灣九孔鮑魚：鮑魚最精妙嘅地方就係熟而彈牙, 做到時間啱啱好真係好考功夫!扇貝：蒸熟後好鮮味同埋有濃濃嘅海水味；紐西蘭刀背蚌同埋大西洋野生青口，通常青口處理方法都係可能用白酒忌廉汁去煮，反而呢一個清蒸嘅野生青口就真係可以試到青口原身嘅鮮甜味；紐西蘭刀背蚌脹卜卜，咬落去充滿海鮮湯汁
首先，店員會幫你先喺個蒸鍋下面加個粥底，有海鮮湯，有芋頭，粟米，豬骨，而店員亦都解釋點解我哋同普通嘅玻璃蓋蒸鍋唔同，就係因為草滕蓋係可以吸左多餘嘅水份，而唔好以倒汗水嘅形式落返去個粥底，粥底會新鮮惹味。
餐廳老闆背景：老闆本身係有多年經驗嘅海鮮批發入口商，餐廳食材大概都係日本，越南，菲律賓，韓國。所有海鮮都係活口，而琵琶龍蝦同埋蟹就係老闆親自挑選，所以如果你要食到飛機貨嘅海鮮，蟹仙絕對係不二之選。
日本野生大赤蝦：平時食赤蝦都係手指尾咁細做刺身，呢一款我哋就試左蒸，蝦較厚身啖啖肉，蝦頭有蝦膏，唔需要點任何醬汁都已經可以令蝦本身嘅鮮味突出。
台灣九孔鮑魚：鮑魚最精妙嘅地方就係熟而彈牙, 做到時間啱啱好真係好考功夫!
扇貝：蒸熟後好鮮味同埋有濃濃嘅海水味；
紐西蘭刀背蚌同埋大西洋野生青口，通常青口處理方法都係可能用白酒忌廉汁去煮，反而呢一個清蒸嘅野生青口就真係可以試到青口原身嘅鮮甜味；
紐西蘭刀背蚌脹卜卜，咬落去充滿海鮮湯汁，好味道；
紐西蘭月亮貝：月亮貝第一次聽，蒸好之後白裏透紅粉紅。一口咬落去之後，我同朋友真係前所未有食過咁鮮味，而且咬落去一啲都唔痴牙，感覺好幼嫩；
喜知次魚：經理介紹，由於深海魚一釣想上來之後適應唔到環境而好快死，所以佢哋會以一夜干嘅形式去先處理，就好似處理鹹魚或者馬友一樣。所以食落去肉質密度較高，肉質較實，好香魚味，再點豉油就更提鮮。
之後就到今晚嘅戲肉：琵琶龍蝦，同埋奄仔蟹。
先講琵琶龍蝦：琵琶龍蝦開邊蒸，肉質爽甜彈牙，而且有豐富嘅龍蝦膏。只要將頭嗰部分殼掹起之後，就可以原條肉挑出嚟，享受淡淡肉嘅幸福感覺😍
奄仔蟹：有唔少嘅蟹膏，肉質為一組組。無論蟹身，蟹腳，蟹鉗都有肉食，蟹味異常鮮甜，不得了!
食完咁濃味既海鮮之後，店員端上有機蔬菜籃，有娃娃菜，生菜同埋粟米，蒸煮之後菜葉依然保持顏色翠綠，口感爽口。
最後我哋食埋一個充滿海鮮濃湯嘅粥之後就為今天晚上嘅海鮮晚餐畫上一個完美句號。
呢度由於全程都有侍應幫忙睇時間，所以做到每一樣海鮮都做到最完美嘅烹調時間，亦都冇浪費到任何一款食材。
絕對係性價比極高嘅海鮮餐廳!!!!!!回味無窮!!!!!!!!
张贴
