影片
更多
2021-09-15
170 浏览
性價比極差之餐飲體驗今日係我地一齊七個月既紀念日，由於七夕同半年紀念日都冇時間好好慶祝，所以今次就揀左一間法國餐廳，希望可以好好享受同埋舒緩一下返工令人繃緊既情緒。大約8點幾接近9點既時間入座，侍應有同我地講9點鐘要截單，所以我地都好配合咁好快點了個2人套餐（過程只係用左5分鐘都沒有），希望都有大約一小時既用餐體驗。我認為呢個只係一個基本要求，但原來就算你付出金錢都唔一定可以被滿足到。食物質素 - 我地選擇一間法國餐廳黎慶祝，自然都希望食物質素有一定程度既水準，但事實卻不如人意。首先，雖然頭盤既辣肉腸同Parma ham尚算可以接受，但其中既牛油果醬唔算新鮮，亦唔完全係醬既質感，感覺就似係自己係屋企開一個牛油果，而且放左一段時間先食既感覺咁。另外個麵包非常硬，要好用力先可以咬到一啖。咁我地就寄望主菜會令我地開心啲。我地點左個低溫慢煮黑毛豬柳同埋青口配黑松露薯條，感覺都只係一般，講係慢煮但啲肉既質感係粗糙的。至於甜品係火焰橙酒可麗餅，侍應介紹係佢地餐廳既王牌，結果只食左一啖就放棄了，因為只有酒同橙相融合的苦澀味道，餐飲體驗 - 由我地坐低到開始食野，不到15分鐘既時間（大約9點12分左右
今日係我地一齊七個月既紀念日，由於七夕同半年紀念日都冇時間好好慶祝，所以今次就揀左一間法國餐廳，希望可以好好享受同埋舒緩一下返工令人繃緊既情緒。
大約8點幾接近9點既時間入座，侍應有同我地講9點鐘要截單，所以我地都好配合咁好快點了個2人套餐（過程只係用左5分鐘都沒有），希望都有大約一小時既用餐體驗。我認為呢個只係一個基本要求，但原來就算你付出金錢都唔一定可以被滿足到。
食物質素 -
我地選擇一間法國餐廳黎慶祝，自然都希望食物質素有一定程度既水準，但事實卻不如人意。
首先，雖然頭盤既辣肉腸同Parma ham尚算可以接受，但其中既牛油果醬唔算新鮮，亦唔完全係醬既質感，感覺就似係自己係屋企開一個牛油果，而且放左一段時間先食既感覺咁。另外個麵包非常硬，要好用力先可以咬到一啖。咁我地就寄望主菜會令我地開心啲。
我地點左個低溫慢煮黑毛豬柳同埋青口配黑松露薯條，感覺都只係一般，講係慢煮但啲肉既質感係粗糙的。至於甜品係火焰橙酒可麗餅，侍應介紹係佢地餐廳既王牌，結果只食左一啖就放棄了，因為只有酒同橙相融合的苦澀味道，
餐飲體驗 -
由我地坐低到開始食野，不到15分鐘既時間（大約9點12分左右），侍應就要求我地先埋單，但其實主菜先剛開始，有種強烈被迫快點食完離開既感覺。頭盤食到三分之一都沒有就上了主菜，剛剛完成頭盤，甜品就來了。我望住呢個火焰都黎唔切影相，佢就完成並熄左。同埋因為太早上甜品，到我地開始食，其實雪糕已經溶了一半。之於飲品，我地點左Apple Cider 同埋Nutella Latte。其實我地都已經只希望係正常嘅味道，點知個Cider聞上去係有陣宿味；個Nutella Latte完全飲唔到有Nutella。最後都忍不住問侍應係咪有搞錯左，點知佢話冇，我地都唔想與他辯駁，更加破壞本身已經沒有既氣氛。
結語
雖然好似好浪費時間去寫返成個唔開心既過程，但的確有種不吐不快之感，而且亦都唔想其他希望同自己愛既人渡過一個美好既晚上，會比呢個唔愉快既（意外）破壞了。最後我地只係用了半個小時左右就離開餐廳（8點55分至9點31分)，就消費左大約1000蚊。相信呢個價錢大家值得擁有更好既選擇😊
後記 - 有鑑於太失望既關係，都上左OpenRice睇下有冇同路人，就發現其實有好多鱔稿。基本上一旦有一個劣評，就會有4-5篇好評覆蓋最真實既食評。
低溫慢煮黑毛豬柳
22 浏览
0 赞好
0 留言
特色主廚拼盤
15 浏览
0 赞好
0 留言
张贴
