天天海南雞飯 (ELEMENTS圓方)

营业中

休息中

今晚放工去左圓方行街，行下行下見到呢間餐廳-天天海南雞！甘就入左去，餐廳入面既裝修好別致，店員安排左卡位比我同老婆，非常闊落，感覺環境同埋餐具都好衛生，食得好放心看看menu食物林林總總，星馬泰既食物都有，一定揀到岩心水既食物！黑松露墨魚蝦多士賣相一流，食落果然冇失望，多士非常香脆，每一口都有蝦，黑松露既味道好夾蝦多士，好抵食，必食推薦斑斕汁椰香鱈魚炸到一粒粒既鱈魚淡淡肉，點佢充滿椰香既斑斕汁都幾有特色！火陷沙爹串串豬、牛、雞各兩串，用鐵板做底盤，可以將串燒既熱力保存更長時間，熱辣辣火候適中，一d都唔韌！配埋佢超正既沙爹醬完美！黃金雞軟骨黃金蝦就食得多，呢個係黃金雞軟骨，好香既咸蛋黃配上雞軟骨，唔輸黃金蝦！