黑龍

营业中

休息中

有國內同事來港旅遊，佢好鍾意食日本拉麵，我帶咗佢去灣仔食，黑龍拉麵係正宗日本人主理嘅拉麵，除咗味道正宗，餐廳內嘅裝潢都好有日本拉麵店風格。白雞鹽味拉麵+玉子和叉燒：用雞肉做成雞卷再切片，肉質鮮嫩，冇骨啖啖肉，湯底濃郁鮮甜，口感順口，玉子生熟程度啱啱好，做到流心兼滑溜，加追叉燒，肉質一樣鮮嫩，整體口感和味道都非常豐富。黑龍豚骨拉麵＋玉子：半肥瘦叉燒滷到好軟淋入味，湯底味道夠濃，濃而不膩，拉麵掛湯力強，入口鮮味兼彈牙。配料還有筍片、紫菜絲增加左口感。SUNTORY 生啤＋餃子：餃子煎得好香脆，餡料有肉汁，配搭生啤一流！雞皮餃子、章魚燒配燒汁：即叫即做，熱辣辣香噴噴，香脆可口。