金酒屋

营业中

休息中

係荔枝角嘅朋友介紹呢間新開張嘅居酒屋俾我，話呢間餐廳主打和牛料理，有好多款和牛刺身，全部都值得一試！所以今日咁啱行開D2 Place，夜晚就過咗黎食Dinner。裝修高雅，設有日式包廂區同埋Bar枱，又有卡位，真係任君選擇😚。而且座位間隔舒適，私隱度高。所有店員都好有禮貌，用心服務，都幾抵讚👍👍漬物拼盤 （五點） $68因為我本來就好鍾意食漬物，好少居酒屋會整咁多款，但呢度真係好有心，除咁常見嘅蘿蔔之外，仲有苦瓜、洋蔥、准山等等，調味都係偏酸甜開胃，正🤤自家製雞皮蝦 $58呢款串燒真係意想不到咁好食呀！大廚將新鮮虎蝦剝殼再用雞皮包住虎蝦黎燒，雞皮少脆惹味香口，完全包住虎蝦所有精華，一口咬落去的確有驚喜。宮崎和牛海膽刺身（兩件）$138和牛刺身包住海膽，係極度奢華嘅組合，和牛油脂分布平均，等級高，完全冇血腥味，包住海膽層次分明，可以閉眼享受呢一口滋味。月見宮崎和牛卷(四件）$168和牛、辛辣脆脆同其他配料包係壽司飯入面，加上月見嘅蛋漿，根本唔需要其他調味，賣相仲好靚，影相一流！秋田煙薰蘿蔔薯仔脆脆沙律 $78呢道前菜食落唔會有負擔，薯仔沙律香滑，配上薯片酥脆口感豐富，唔經唔覺已經食哂。