帝樂德國餐廳 (Fashion Walk) (已結業)

前幾晚去咗銅鑼灣嘅「帝樂德國餐廳」，試咗佢哋嘅春日2人套餐，原價$1200，但做咗會員就可以低過半價，真係抵到笑，我地即場做埋會員。頭盤係迷你黑森林火腿德式薄餅，啖啖香脆，火腿鹹香十足另外仲有沙律，配料有挪威煙三文魚，柑桔、西柚、橙同藜麥，清新開胃，食得開心。主菜方面，紅酒燴澳洲羊膝真係冇得輸，羊肉嫩滑入味，配埋波菜、薯蓉同珍珠洋蒽，完美嘅組合另一道係帆立貝、海蝦、車打芝士鍋牛通心粉，海鮮鮮甜，芝士香濃，食到停唔到口。最後甜品嚟個特濃朱古力蛋糕配燴雜莓，朱古力濃郁得嚟唔會太甜，完美收尾。飲品仲可以兩小時無限添飲(包括紅白酒)，真係可以飲到回本，而我哋就揀咗凍檸茶同白酒。