德美壽司

营业中

休息中

今日喺尖沙咀見到呢間德美壽司，朋友話呢間嘢啲嘢食ok，咁就同朋友上去試下， 入到去啲裝修都ok，都見咗都好多人等緊食壽司，講多無謂，我哋冇乜叫太多嘢，可以睇下我啲相我哋叫咗以下:三色魚生飯: 呢個三色魚生飯有我最鍾意食嘅三文魚，而且三文魚亦都幾肥大，都食到佢幾新鮮嘅.因為我覺得食魚生飯最緊要fresh然後撈埋啲wasabi再加豉油嚟食，咁我覺得就一流，呢個飯我覺得都係可以。韓式泡菜豬肉鍋： 呢個韓式泡菜豬肉係我啲朋友嗌嘅，咁我試咗少少，其實都幾辣，而且都菜同豬肉嘅size亦都ok嘅，唔算話太多亦都唔算話太少，不過就最好叫多一個飯，因為都驚唔夠飽。最後其實呢間嘢我覺得都係要叫返一啲魚生飯或者日本料理比較適合啲， 因為始終呢間嘢都係食日式料理為主。 另外睇到呢一間嘢外賣有九折，下次我都試下叫外賣慳少少錢。