影片
更多
2025-04-27
162 浏览
同好耐冇見嘅朋友約去深水埗食野吹下水，嚟到呢間素年試下☺️ 聽個名都估到呢間係一間素食店，環境簡約舒適，一打開餐牌睇，感覺同傳統素食店都幾唔同～花多眼亂，我同朋友揀食咩揀揀下都忘記咗呢間係食素嘅舖頭🤣- 日式三文魚漬擔擔醬撈菠菜蒟蒻麵定食鍾意食日本野嘅我揀咗呢個定食，雖然係素食，但造出嚟嘅賣相幾可亂真😜 仲係用上有機本地菜！擔擔醬本身有一圈辣油係上面，但因為我唔太食辣所以落單時叫職員幫我走辣油，變左係純胡麻醬汁（？），入面有啲睇落好似雞肉但其實係小小嘅豆卜🤣 撈埋個蒟蒻麵食幾開胃～ 三文魚刺身（偽）食落質感都幾似三文魚，味道嘅話相信如果沾埋豉油就會勁似真嘅一樣😆 滿足到我食魚生嘅慾望🙂↕️ 旁邊果幾款漬物前菜都好開胃～特別推介沖繩黑糖蜜漬黑豆，本身唔太好豆嘅我覺得好好食，甜甜地🥰 仲有我最愛嘅芭樂食🤞- 素年經典不可能芝士漢堡呢個係朋友點嘅，賣相都同一般牛肉漢堡冇分別～ 仲見到塊漢堡（偽）啲肉微紅，像真度極高🤣 食落質感幾腍，個人覺得加咗少少茄汁落去仲好食😋 薯條炸得香脆👍- 西柚蜜柑梳打原隻蜜柑加西柚梳打😍 有野飲之餘又有生果食🤣 梳打微酸又係好開胃好好飲（點解我叫親啲野都咁開胃🤣）隻
- 日式三文魚漬擔擔醬撈菠菜蒟蒻麵定食
鍾意食日本野嘅我揀咗呢個定食，雖然係素食，但造出嚟嘅賣相幾可亂真😜 仲係用上有機本地菜！擔擔醬本身有一圈辣油係上面，但因為我唔太食辣所以落單時叫職員幫我走辣油，變左係純胡麻醬汁（？），入面有啲睇落好似雞肉但其實係小小嘅豆卜🤣 撈埋個蒟蒻麵食幾開胃～ 三文魚刺身（偽）食落質感都幾似三文魚，味道嘅話相信如果沾埋豉油就會勁似真嘅一樣😆 滿足到我食魚生嘅慾望🙂↕️ 旁邊果幾款漬物前菜都好開胃～特別推介沖繩黑糖蜜漬黑豆，本身唔太好豆嘅我覺得好好食，甜甜地🥰 仲有我最愛嘅芭樂食🤞
- 素年經典不可能芝士漢堡
呢個係朋友點嘅，賣相都同一般牛肉漢堡冇分別～ 仲見到塊漢堡（偽）啲肉微紅，像真度極高🤣 食落質感幾腍，個人覺得加咗少少茄汁落去仲好食😋 薯條炸得香脆👍
- 西柚蜜柑梳打
原隻蜜柑加西柚梳打😍 有野飲之餘又有生果食🤣 梳打微酸又係好開胃好好飲（點解我叫親啲野都咁開胃🤣）隻蜜柑都好甜好好味不過要吐核😆
- Iced Mocha（轉豆奶）
呢杯朋友點嘅，睇落好似tiramisu😎 飲落都幾香～
- 純素伯爵茶芝士蛋糕配糖漬蘋果
甜品是必須的！好出色😍好香伯爵茶味！質感同凍芝士餅差唔多～上面加咗甜甜地嘅糖漬蘋果配埋食💯
食品無論賣相定係味道都好好，仲要份量係比一般cafe大份，男士黎食都唔驚唔夠飽😆 估唔到素食都可以做到食落同平時食肉咁冇咩分別👍 下次再去試埋其他野食～
张贴
