龍亭

隱世平民鐵板燒性價比爆燈，頭盤已經驚艷到爆！煙燻三文魚沙律🥗，啲菜新鮮到好似剛從田裡摘咁，夾住淡淡煙燻香，開胃到震！跟手嘅法國生蠔刺身🇫🇷，海水味爆棚，一啖滑落喉嚨，鮮甜到彈起！最癲係個白松露溫泉蛋♨️，戳穿蛋黃個刻，松露香衝出嚟，撈勻食真係幸福到瞇晒眼，主菜先係重頭戲！北海道海膽+龍蝦膏龍蝦多士🦞，海膽creamy到癡線，龍蝦膏濃郁到黏脷，夾埋脆多士，食到唔捨得吞！鐵板帶子配黑松露蘑菇🍄，帶子煎到金黃，一啖咬落去爆汁，松露香仲係度纏繞住個鼻哥～韓牛薄燒🐂更加無得輸，卷住流心鵪鶉蛋同蘑菇，肉汁同蛋漿一齊湧出嚟，邪惡到喊！ 最後個三文魚子飛魚子炒飯🍚，啲魚子卜卜脆，炒飯夠鑊氣，食完仲有菠蘿檸檬雪巴🍍🍋清新口腔，酸甜冰爽，完美收尾！