好螺記

营业中

休息中

經過門口已經聞到酸香味，見鋪頭好多街坊幫襯就入去試下。餐廳雖然出名螺絲粉，但我地試左叉燒桂林米粉同招牌牛肉牛骨原湯拉麵，跟餐飲品加$6，加粉加底免費，好大碗好足料。湯有涼茶味，好特別，我鐘意牛肉拉麵，爽口幼麵條，牛肉有牛臊味，如果唔食牛可以揀叉燒，睇落好似，但唔會臊。桂林米粉其實係撈麵，但會額外有碗湯分開飲，揀左bb辣，真係唔辣。另外再叫小食，推薦香脆小酥肉，外脆內軟，肉質我以為係魚肉咁嫩滑，外皮加左5香粉，配沙律醬好夾。