九爺牛腩 (佐敦道)

营业中

休息中

有時tea time 唔想清一色茶餐，西多雞翼，熱狗薯條，食碗潮州粉麵就啱晒喇，佐敦 尖沙咀有間九爺牛腩，聽朋友講足料又抵食，一於今日試下。餐廳係佐敦道，近佐治五世公園，大街地鋪，location方便。menu多選擇，有常餐 三文治，不過今日都係試牛腩。⚫︎牛魔皇撈伊 上枱嘩一聲，超大個伊麵底，兩個人share 都未必食得晒。牛魔皇有齊牛腩牛雜牛筋，超大堆頭，想撈個麵都難啲餸跌晒。牛筋好淋好入味，牛腩位都好鬆化但入味。牛雜好味嘅，少食嘅牛膀牛肺都齊晒，撈伊用蠔油做底。⚫︎崩沙腩河先讚湯底，係正嘅牛湯，清甜但又唔會死咸，食完唔口渴嘅。崩沙腩，好腍身軟線，但都好爽口，肥美嘅油脂但唔會太柴。河粉屬滑身，唔會太粗啲種。另外值得一讚杯凍奶茶 ，有茶餐廳水準，茶底香濃唔苦澀，以麵檔睇嚟講，好唔錯。