波記燒臘粉麵店

营业中

休息中

相信大家都聽過/睇過唔少人介紹呢間西環老字號，多數都會推薦食燒鵝脾，因為相對出面真係抵食，亦都好食，我已經食過波記好多次，但始終最喜歡既都係叉燒。Ø  燒鵝脾抵食，大大隻啖啖肉，一百蚊左右有全脾，燒得好香，外皮脆，不過如果跟粉面，燒鵝汁比湯沖淡左就會無咁濃，睇下你個人鍾意咩。佢燒鵝脾可以切開亦可原隻上，比你拎住食，夠哂風味。Ø  叉燒有燶邊，的確燒得好好食，肥瘦亦適中，肉質唔岩岩好，份量都算多，但同樣因為跟粉面就食唔到叉燒味，我諗要飯會好野味。但每次黎都忍唔住跟瀨粉，叉燒瀨燒鵝瀨始終係香港人至愛之一，佢既瀨粉都係好好食，唔會”鞋”口，好掛湯，叫阿姐多青亦都唔姑寒。已經咁出名但都係平民價錢真係難得，當日見到都不少街坊客，絕對係良心既米芝蓮。