阿木台灣麵 (豉油街) (已搬遷) 新店位置

我上個月先去完台灣旅行，特登回味吓台灣嘅美食，我大驚奇係香港嘅牛肉麵仲出色過我喺台灣食嘅！蕃茄牛肉牛筋麵(角切)第一啖一定要試吓佢個湯底先，蕃茄味好香濃，加咗$3轉關廟粗麵，口感QQ彈牙！係最愛多蔥！牛肉恰到好處，味道夠晒入味！韮菜蚵仔煎蛋見到有新出嘅韭菜蚵仔煎蛋，將香港式嘅韭菜融入咗台灣嘅蚵仔煎，味道又係出奇地夾👏🏻滷牛腱喺香港通常係切到一片片好薄，呢度切得好大嚿，啖啖肉半筋半肉，啲筋竟然唔係淋pat pat，反而係爽口彈牙，好出色！芝士岩鹽奶蓋炭燒烏龍茶 (凍)奶蓋鹹鹹的，我吸咗上層的奶蓋，然後再飲茶😬個人認為香港第一☝️牛肉麵👅播放著五月天食台灣菜，確實係別有一番風味啊