影片
更多
2025-02-26
2025 浏览
📍KABOOM（尖沙咀）今日終於來到我bookmark咗好耐嘅KABOOM，聽聞室外花園可以飽覽維港景色，而且食物都好出色。雖然今日天氣好凍，但係室外花園都係一樣咁受歡迎。餐廳有多款以東南亞為主題嘅Fusion菜色及小食，質素好高。🦜Miss You!可以見到調酒師在吧檯「炫技」，非常快手就完成一杯杯精緻又colorful嘅cocktail。呢間餐廳嘅cocktail每一款都好特別，連名都好有心機，打卡一流。呢杯Miss You用咗雀仔形狀嘅玻璃杯，再將粉紅色玫瑰花瓣放喺雀仔嘅尾部，充滿少女心，味道亦適合女仔，桃味、柚子味、玫瑰味，幾樣都可以飲到，又酸又甜嘅味道好易入口。🛁Damn Pissed OFF! 呢杯Damn Pissed OFF! 賣相造型好得意，係一個泡泡浴缸仲有有隻鴨仔，以分子料理方式融入雞尾酒中，入口Fruity 而且解渴，仲好適合打卡~🦐Red Prawn and Scallop Caroaccio 前菜係新鮮北海道帶子 & 紅蝦刺身，配上細香蔥同墨西哥辣椒製成嘅冬陰功醬汁，味道非常清新。刺身鮮甜清爽，搭配濃味嘅醬汁可以提鮮，係一道開胃的前菜。🥠Southern V
今日終於來到我bookmark咗好耐嘅KABOOM，聽聞室外花園可以飽覽維港景色，而且食物都好出色。雖然今日天氣好凍，但係室外花園都係一樣咁受歡迎。餐廳有多款以東南亞為主題嘅Fusion菜色及小食，質素好高。
🦜Miss You!可以見到調酒師在吧檯「炫技」，非常快手就完成一杯杯精緻又colorful嘅cocktail。呢間餐廳嘅cocktail每一款都好特別，連名都好有心機，打卡一流。呢杯Miss You用咗雀仔形狀嘅玻璃杯，再將粉紅色玫瑰花瓣放喺雀仔嘅尾部，充滿少女心，味道亦適合女仔，桃味、柚子味、玫瑰味，幾樣都可以飲到，又酸又甜嘅味道好易入口。
🛁Damn Pissed OFF! 呢杯Damn Pissed OFF! 賣相造型好得意，係一個泡泡浴缸仲有有隻鴨仔，以分子料理方式融入雞尾酒中，入口Fruity 而且解渴，仲好適合打卡~
🦐Red Prawn and Scallop Caroaccio 前菜係新鮮北海道帶子 & 紅蝦刺身，配上細香蔥同墨西哥辣椒製成嘅冬陰功醬汁，味道非常清新。刺身鮮甜清爽，搭配濃味嘅醬汁可以提鮮，係一道開胃的前菜。
22 浏览
0 赞好
0 留言
呢個真係有驚喜！外層嘅ball ball好脆口，入邊有好足料嘅蟹肉，調味用咗非常清新有東南亞風味嘅醬汁以及甜味嘅濃稠醬汁使蟹肉更具口感，呢個真係要試下!
5 浏览
0 赞好
0 留言
一上到來就可以聞到燒龍蝦嘅香味，加拿大龍蝦肉質彈牙，肉都好大一塊，味道鮮甜。意粉掛到龍蝦醬汁，口感煙靭，唔會煮得太腍，啖啖鮮味好正。意粉嘅龍蝦汁非常濃郁，醬汁濃稠，帶有龍蝦嘅鮮味同蒜頭洋蔥嘅惹味。
🐟Baked Sambal COD fish 採用美國阿拉斯加銀鱈魚，肉質非常嫩滑，配菜亦好豐富，有燈籠椒、紅蘿蔔、西藍花，營養均衡。醬汁非常具有東南亞特色，sambal sauce、檸檬草、yogurt的搭配，食落非常清新惹味，辛辣味亦恰到好處，特別帶出銀鱈魚嘅鮮味。
4 浏览
0 赞好
0 留言
🍴餐廳：KABOOM(尖沙咀) @kaboom.hk
📍地址：尖沙咀北京道12A號太子集團中心20樓
💸消費：1175
♡♡♡♡♡♡♡♡♡♡♡♡♡♡♡♡♡
张贴
