一遊

营业中

休息中

去尖沙咀搵食，經過一間之前响第二度食過既，印象唔錯。今日再食其他分店，入去再食。深海池魚王薄切食落新鮮唔腥，切得幾薄下，配埋個酸汁比你點黎食，都幾開胃下。南瓜沙律南瓜幾甜下，仲有炸左既蓮藕片响面，脆脆地幾好口感。炸雞香蔥汁雞肉嫩滑，唔會炸過龍，入面仲有肉汁。配埋個香蔥汁，幾香口下。八爪魚酥唔厚粉，最怕幾厚粉，算係幾薄下。八爪魚夠味爽口唔難咬開，唔會死咸。陳年柑桔蜜，柚子梳打兩杯都好夠味，唔會溝水溝得勁。柚子蜜菠蘿杏子酒菠蘿味甜酒，容易入口。要小心醉。哈哈串燒時間：魷魚軟骨：軟骨有咬口，又唔乾，送酒一流。雞肉明太子：侍應表示要趁熱食，凍左無咁好食。雞肉都幾嫩。牛舌：串燒點小得大愛既牛舌，呢度係屬於厚切類型，厚切最緊要夠味。咬落又啖啖肉，加小小七味粉，有小小辣。鹽燒活鰻：鰻魚都幾肥美下，塊皮小脆，唔錯。免治雞肉：雞肉點生雞蛋豉油，滑好多。海膽蟹肉牛油果卷：老婆最like三樣野响晒度，無得輸。海膽新鮮有甜味唔苦，蟹肉都唔錯，份量又夠。配埋牛油果。好食。梅酒煮比目魚：魚都幾滑，第一次食用梅酒煮，都重梅酒香味。熊本和牛丼：和牛夠晒牛味，油份又夠，跟埋飯食，送飯一流。