影片
更多
2023-08-25
427 浏览
約咗朋友食飯，九龍區不外乎，旺角、尖沙咀、太子幾個旺區，想食日本 #居酒屋 🏮，朋友揀咗一遊，上次食過灣仔合和分店，今次就試下尖沙咀，刺身 熟食 串燒，樣樣都有水準。一遊，位於尖沙咀美麗華商場附近，喺正諾士佛台1號，閑時有飲開嘢嘅朋友仔應該唔會好陌生。商場旁邊有一個出口，通去平台斜路位，左手邊一出就係諾士佛台一號。當然斜路位直上都得😛不過我好懶。餐廳位於四樓，電梯一出，環境昏暗幽靜，就好似去咗日本旅館咁。江戶前嘅裝修設計，什具特色。可以揀bar枱或者普通枱，另一邊偏廂for一班朋友。ఌ刺身五點 + 灸燒真鯛 師傅會揀時令嘅幾款刺身，今晚有赤身 拖羅 帆立貝 劍魚腩 同 牡丹蝦，每款兩件，最鍾意係帶子同埋牡丹蝦，非常鮮甜同埋新鮮，另外拖羅都好肥美。店員另外介紹今日嘅時令海鮮，隻燒過嘅真鯛，肉質細緻柔軟，味道淡雅得來有少少甜，輕輕燒過會令佢多一層魚油香味。前菜ఌ溫泉蛋沙律ఌ三文魚肉鬆豆腐朋友未到先食兩個前菜，溫泉蛋沙律上有少少脆卜卜，類似粉絲嘅素海蜇，以柚子汁做調味，味道比較淡口。日本豆腐，向來嫩滑，都冇咩投訴，加少少三文魚松增加咗佢嘅口感。串燒ఌ 豚肉蕃茄卷ఌ蘆筍卷ఌ厚燒牛舌ఌ明太子雞肉
一遊，位於尖沙咀美麗華商場附近，喺正諾士佛台1號，閑時有飲開嘢嘅朋友仔應該唔會好陌生。商場旁邊有一個出口，通去平台斜路位，左手邊一出就係諾士佛台一號。當然斜路位直上都得😛不過我好懶。
餐廳位於四樓，電梯一出，環境昏暗幽靜，就好似去咗日本旅館咁。江戶前嘅裝修設計，什具特色。可以揀bar枱或者普通枱，另一邊偏廂for一班朋友。
ఌ刺身五點 + 灸燒真鯛
師傅會揀時令嘅幾款刺身，今晚有赤身 拖羅 帆立貝 劍魚腩 同 牡丹蝦，每款兩件，最鍾意係帶子同埋牡丹蝦，非常鮮甜同埋新鮮，另外拖羅都好肥美。
店員另外介紹今日嘅時令海鮮，隻燒過嘅真鯛，肉質細緻柔軟，味道淡雅得來有少少甜，輕輕燒過會令佢多一層魚油香味。
前菜
ఌ溫泉蛋沙律
ఌ三文魚肉鬆豆腐
朋友未到先食兩個前菜，溫泉蛋沙律上有少少脆卜卜，類似粉絲嘅素海蜇，以柚子汁做調味，味道比較淡口。
日本豆腐，向來嫩滑，都冇咩投訴，加少少三文魚松增加咗佢嘅口感。
串燒
ఌ 豚肉蕃茄卷
ఌ蘆筍卷
ఌ厚燒牛舌
ఌ明太子雞肉卷
ఌ大蔥雞肉卷
ఌ燒活鰻魚
今晚想飲少少酒，所以嗌咗幾串串燒嚟送酒。個人最鍾意係蘆筍卷，豚肉剛剛好薄身加少少蔬菜，減輕油膩感。燒鰻魚，食得出係新鮮貨，厚肉肥美。主食
ఌ明太子香菇意粉
ఌ蟹肉炒飯
同朋友一致認為好似中菜，意粉中間加咗少少鹹鹹地嘅漬物，感覺就好似雪菜肉絲炆米咁，呢個就係日式版本，明太子有少少辣，加埋落去意粉好惹味，值得一讚嘅係個意粉軟硬度好好。
蟹肉炒飯，廚師好重手，入邊有蟹肉同埋少少帶子，另外食得出有薑嘅味道，好似仲食炒飯咁樣，拍片姜冇咁寒🤣
湯品
ఌ海鮮茶碗湯
去到最尾，職員送上最後一個湯，個湯用個茶壺仔端上，倒入茶杯。湯入邊有少少海鮮本菇，清淡解油膩。
一如既往，一遊嘅Cocktail都幾抵飲，幾十蚊有交易，試咗巨峰提子，鍾意飲偏甜嘅燒酌，應該會好鍾意佢。
飲酒食飯，呢度係個幾好嘅地方，空間感好足，店員亦都好細心。又唔夠嘅話，去附近再傾偈都好近
张贴
