雪下覓炙

营业中

休息中

之前聽朋友講，呢間成日都要排長龍，咁啱見到可以Walk in，就入去試吓。一睇餐牌，裝修，同埋係海港城入面，就知道呢一間一定係係高級燒肉，可以用返海港城嘅飲食coupon 。坐嘅位置寬敞舒服，味道還好，少少味梗有，抽風設施做得幾好。嚟得呢度一定係食肉肉～ 叫咗牛舌，五花腩，牛 。呢到叫嘅肉嘅質素同價錢成正比，所以啲肉真係幾靚靚嘅，五花腩脂肪比例非常完美，所以真係好食 。職員會幫你剪細佢放落去燒，如果你燒得太耐職員會走過來同你講已經熟，會提醒下你，呢一點係值得讚。當然如果佢太忙可能會有機會唔記得提你，所以自己都要睇住。份量Potion啱啱好，唔會食唔飽，份量亦都唔會話好多會令到你好滯好飽。喺海港城一個唔錯嘅選擇。