影片
更多
2021-12-15
318 浏览
今日有幸嚟到海港城新開張嘅omakase，一於同朋友先睹為快。餐廳主打日本淺木系風格，純木格局，配上柔和既黃燈，打造高雅舒適嘅感覺，帶比食客高尚嘅用餐體驗。一去到門口，店員已經溫文有禮咁招待我哋，先帶我哋去座位就坐，然後再比滕籃比我哋放置隨身物品，椅子高度適中，每一個位置都能夠睇到師傅用心製作食物嘅情況，令到我哋可以好舒服咁坐喺度欣賞師傅席前工藝。 第一道前菜：粟米豆腐 🌽 估唔到前菜已經誠意滿滿，粟米豆腐聽落去好簡單，但師傅們其實用咗四至五個鐘頭整。首先將煮熟粟米，過程好考功夫，每粒粟米去衣，再慢慢磨蓉，最後加入忌廉同鮮奶。食落去好滑好濃郁，明明冇豆腐成份，但做到豆腐滑溜嘅感覺，十分出色。最後放上紫蘇葉同花，更增美感。 第二道前菜：北海道水八爪魚 🐙 師傅慢慢喺櫃入邊拎出一個瓦缸，緩緩伸手入去瓦缸拎出一條長長嘅八爪魚腳😱 令到全場嘅食客目定口呆，大家都登上拎部手機出嚟影低，非常壯觀。師傅再將兩片嘅八爪魚腳，放左有圖案既碟上，形成一幅優美嘅水墨畫，除咗味覺享受，亦係視覺享受嘅一種。加入胡椒柚子，為八爪魚加左一點清新。第三道前菜：野生備長炭燒鮫魚 🔥🐟 師傅小心翼翼將切好既鮫魚用備長炭燒
一去到門口，店員已經溫文有禮咁招待我哋，先帶我哋去座位就坐，然後再比滕籃比我哋放置隨身物品，椅子高度適中，每一個位置都能夠睇到師傅用心製作食物嘅情況，令到我哋可以好舒服咁坐喺度欣賞師傅席前工藝。
第一道前菜：粟米豆腐 🌽
估唔到前菜已經誠意滿滿，粟米豆腐聽落去好簡單，但師傅們其實用咗四至五個鐘頭整。首先將煮熟粟米，過程好考功夫，每粒粟米去衣，再慢慢磨蓉，最後加入忌廉同鮮奶。食落去好滑好濃郁，明明冇豆腐成份，但做到豆腐滑溜嘅感覺，十分出色。最後放上紫蘇葉同花，更增美感。
第二道前菜：北海道水八爪魚 🐙
師傅慢慢喺櫃入邊拎出一個瓦缸，緩緩伸手入去瓦缸拎出一條長長嘅八爪魚腳😱 令到全場嘅食客目定口呆，大家都登上拎部手機出嚟影低，非常壯觀。師傅再將兩片嘅八爪魚腳，放左有圖案既碟上，形成一幅優美嘅水墨畫，除咗味覺享受，亦係視覺享受嘅一種。加入胡椒柚子，為八爪魚加左一點清新。
第三道前菜：野生備長炭燒鮫魚 🔥🐟
師傅小心翼翼將切好既鮫魚用備長炭燒，燒過表面既魚皮，令薄薄既魚皮稍稍收縮，食落有燒灼味，但魚身保持爽彈。配料用左蘿蔔蓉、蘋果蓉、姜蓉調製而成，減輕魚既油膩感。
第四道前菜：北海道毛蟹 🦀
師傅將大大隻嘅日本毛蟹細心拆肉，加上自身濃郁既蟹膏，放上自家酸汁製作而成既啫喱，同埋昂貴魚子醬，層次感好豐富，又開胃。
去到萬眾期待嘅十道壽司環節🍣🍣🍣
1️⃣平目魚🐠：來自青森縣既天然平目魚，用左三日時間去熟成，加上柚子皮同青檸汁，醬汁好清新，又唔會搶左本身魚既淡鮮味。
2️⃣大間拖羅（中拖、大拖）🐠：
日本最上乘既大間產既吞拿魚，憑肉眼就可以見到拖羅嘅紋理非常清晰分明，顏色粉嫩，又有光澤。用左14日時間熟成，味道濃郁，油脂甘香，慢慢係口內溶化開。
3️⃣北寄貝🐚：來自北海道嘅北寄貝，師傅精準咁加左一滴青檸汁，再用備長炭燒一燒，食落有微微焦香味，亦鮮甜爽口。
4️⃣秋刀魚🐠：新鮮係日本運到，岩岩好趕得上秋刀魚嘅季節，獨有既味道好難忘。
5️⃣春子鯛🐠：是令季節，有豐富油脂，魚身粉嫩，口感嫩滑。師傅用醋同麵豉去醃製左大約4個鐘，味道酸酸甜甜，幾開胃。
6️⃣油甘魚🐠：師傅話又名鰤魚，簡左魚腩位置，是令秋季限定，魚身肥厚，油脂豐盛。
7️⃣呑拿魚赤身醬油漬🐟：赤身係吞拿魚背部，肉質比較結實，將赤身放入醬油醃製，製成鮮紅色，味道更加濃郁。
8️⃣花竹蝦車海老🦐：來自熊本縣既大蝦，蝦肉紅白相間，好大隻，蝦身紮實鮮甜。
9️⃣海鰻魚🐠：呢款魚口感入口即溶，比較軟棉，對比其他壽司口感都幾特別，加上柚子皮同醬汁，好濃郁。
🔟海膽三文魚籽撈飯🍚：鮮甜既海膽，配上充滿海水咸味既三文魚籽，鮮味縈繞係口中，為豐富既壽司環節作結。
卷物：拖羅手卷🍙
對於岩岩既拖羅，依舊念念不忘，師傅就再用拖羅黎整手卷，紫菜爽脆，拖羅肥美可口😛
燒物：太刀魚🐠
外皮被燒至微微縮起，賣相更吸引，燒過既魚質依舊能保持爽口嫩滑，加上青檸汁，解除油膩感。
玉子燒🥚
玉子燒同樣係用心製作，肉眼見到有明顯兩層，一層係蛋糕質地，口感較札實，另一層好似布甸質地，口感滑溜😛
湯品：麵豉湯🍤🍥
麵豉湯材料一啲都唔馬虎，除咗用大量嘅蝦頭熬製，仲有一整隻大蝦，口感爽彈，唔會好似坊間嘅蝦咁浸湯浸到硬哂，食得出好新鮮。
甜品：是令水果🥭🍐
來自和歌山嘅芝麻柿，同埋啤梨；果種清甜用筆墨難以形容，一咬落去果汁溢滿整個口腔，非常清甜，為成餐omakase畫上完美句號🥰
整體來講，呢間omakase水準好高。不論係環境氣氛一流；店員服務質素高；師傅製作食物認真、有心思；食材食得出好新鮮⋯ 每樣元素都配合得天衣無縫，絕對配得上呢個價格同位於海港城既地段👍🏻 誠意推薦比大家🤩
张贴
