霸嗎拉麵 (金巴利道)

营业中

休息中

因朋友想食拉麵，到就近出名拉麵店一試，晚上7點左右，店內多人，但都即刻有位。座位較窄，無位放袋，店員說話速度較快，態度一般。主菜點咗 炙燒豚肉味玉拉麵 同 雞叉燒味玉雞白湯拉麵。兩個拉麵湯底濃郁，唔系令人驚喜既口味，但基本功足夠，味道經典，唔咸，飲到半碗，雞湯嘅雞味尤其突出。麵軟硬適中，分量夠。叉燒唔會太肥，好食。雞叉燒幾特別，較少油，適合減肥人士。味玉值得稱讚，蛋白未完全凝固，非常滑。調味料有哩三款。加錢要咗兩塊唐揚炸雞，新鮮，汁好食，但皮唔算特別薄。用優惠加咗餃子。餃子好好食，即煎，熱騰騰上台，皮薄，餡料夠，有汁，系日本拉麵店少見真係好食既餃子。整體而言，環境普通，食物唔算好有特色，但基本功做足，平時想食拉麵可以一試，尤其推薦餃子。