影片
更多
2025-07-17
0 浏览
今次嚟主要可以話係衝住提燈，好少見到舖頭會有提燈，仲有唔同都特別同埋稀有嘅雞部位。其實本身串燒都已經好夠味，但係餐廳仲有提供一味粉、七味粉、生椒粉、櫻花鹽等等做調味，啱晒一眾重口味人士。‣ 提燈 $48‼️超級推薦‼️第一次試提燈，提燈係雞嘅卵巢同未孵化嘅蛋，本身已經好罕見，燒到蛋黃呈流心狀態都唔容易，所有相當值得一試，平時都真係唔係好見到。‣ 雞下心 $38又係另一個特別嘅部位，顧名思義係雞心臟下方，靠近血管嘅部分，所以黑蚊蚊。一樣都係第一次食，原來都幾香幾有咬口，值得一試。‣ 雞肉軟骨棒 $48軟骨棒燒到外脆內嫩，保留到軟骨嘅口感，撈埋啲蛋漿一齊食，蛋香同雞肉嘅味道配合得好好，濃郁而不膩。‣ 法國水牛芝士煙肉卷 $48煙肉卷住水牛芝士，燒得香噴噴。煙肉嘅鹹香再加芝士，溶咗之後好正，成個口都係濃郁嘅芝士味，滿滿嘅幸福感。‣ 雞上髀肉 $38雞上髀肉嘅雞皮燒得相當之香脆，肉質鮮嫩，肉汁鎖得好靚，配上櫻花鹽嘅微鹹同香氣，鮮甜到爆。‣ 雞翼 $48雞翼就真係雞全翼咁上，同樣都係香脆嫩口，七味粉嘅微辣可以提升到雞翼嘅香味，肉質多汁得嚟唔會柴。‣ 蘆筍 $38食咗咁多肉，點樣都要食返啲菜。蘆筍燒得
‣ 提燈 $48
‼️超級推薦‼️第一次試提燈，提燈係雞嘅卵巢同未孵化嘅蛋，本身已經好罕見，燒到蛋黃呈流心狀態都唔容易，所有相當值得一試，平時都真係唔係好見到。
‣ 雞下心 $38
又係另一個特別嘅部位，顧名思義係雞心臟下方，靠近血管嘅部分，所以黑蚊蚊。一樣都係第一次食，原來都幾香幾有咬口，值得一試。
‣ 雞肉軟骨棒 $48
軟骨棒燒到外脆內嫩，保留到軟骨嘅口感，撈埋啲蛋漿一齊食，蛋香同雞肉嘅味道配合得好好，濃郁而不膩。
‣ 法國水牛芝士煙肉卷 $48
煙肉卷住水牛芝士，燒得香噴噴。煙肉嘅鹹香再加芝士，溶咗之後好正，成個口都係濃郁嘅芝士味，滿滿嘅幸福感。
‣ 雞上髀肉 $38
雞上髀肉嘅雞皮燒得相當之香脆，肉質鮮嫩，肉汁鎖得好靚，配上櫻花鹽嘅微鹹同香氣，鮮甜到爆。
‣ 雞翼 $48
雞翼就真係雞全翼咁上，同樣都係香脆嫩口，七味粉嘅微辣可以提升到雞翼嘅香味，肉質多汁得嚟唔會柴。
‣ 蘆筍 $38
食咗咁多肉，點樣都要食返啲菜。蘆筍燒得爽脆清甜，保留到天然嘅蔬菜味，入口好舒服。
‣ 燒鱈魚乾 $48
我會叫佢鱈魚脆脆，作為前菜開胃一流，越食越過癮。其實唔淨止啱做下酒菜，作為零食嚟講都係一流。
‣ 福岡秋葵 $38
我個人勁鍾意食秋葵，就係要黏答答個種口感。配埋一味粉一齊食，入口清新，保持到蔬菜嘅濕潤又唔會好乾。
‣ 醬油燒飯團 $38
好濃郁嘅鰻魚醬汁味，燒得外脆內軟，醬油嘅鹹香滲晒入米粒入邊，過吓口癮呢個價錢幾好。
‣ 抹茶厥餅 $38
夏天食厥餅真係冇得彈，冰涼滑溜，抹茶味濃郁得嚟唔會太苦，甜度啱啱好。
张贴
