影片
更多
2023-07-15
53 浏览
成日覺得食素大多數味道都會偏清淡，所以好少食，呢間印度素菜餐廳完全令我改觀，原來素食都可以好惹味架😋 佢喺全球多個國家都有分店，位於尖沙咀嘅樓上舖，環境設計得有啲似歐陸現代風，掛滿色彩繽紛嘅廚具裝飾，座位好闊落，坐得好舒服，而且感覺乾淨企理，同想像中嘅印度餐廳有啲唔同，好岩一班朋友一齊傾計食飯餐廳主打印度素菜，餐牌選擇包羅萬有，齋睇菜名其實都唔係好知係咩，不過每個菜名下面都會用英文作說明，要睇清哂每樣菜式都花唔少時間，花左成十分鐘先落到單🤣🤣 呢度嘅店員都係外國人，主要用英文溝通，好nice會介紹menu同教我地點樣食，服務👍🏻 客人大多數都係印度人，不過見到都有唔少香港人幫襯，另外每枱都有一枝全新Distilled water，咁就唔怕有衛生問題啦。整體味道不錯，對於初嘗印度菜仲要係素食都覺得幾特別，值得一試!_➤Ragda Dahi Puri $85炸到外皮脆脆嘅空心麵團球，裝住啲薯仔粒、鷹嘴豆、薑黃麵條碎，再淋上酸乳酪同酸酸甜甜嘅醬汁，好開胃！食落有好多唔同嘅層次、口感同味道。溫馨提示，呢個前菜要快啲食，擺得太耐就會淋哂唔脆➤Malai Paneer Tikka $115呢個係素
餐廳主打印度素菜，餐牌選擇包羅萬有，齋睇菜名其實都唔係好知係咩，不過每個菜名下面都會用英文作說明，要睇清哂每樣菜式都花唔少時間，花左成十分鐘先落到單🤣🤣 呢度嘅店員都係外國人，主要用英文溝通，好nice會介紹menu同教我地點樣食，服務👍🏻 客人大多數都係印度人，不過見到都有唔少香港人幫襯，另外每枱都有一枝全新Distilled water，咁就唔怕有衛生問題啦。整體味道不錯，對於初嘗印度菜仲要係素食都覺得幾特別，值得一試!
_
➤Ragda Dahi Puri $85
炸到外皮脆脆嘅空心麵團球，裝住啲薯仔粒、鷹嘴豆、薑黃麵條碎，再淋上酸乳酪同酸酸甜甜嘅醬汁，好開胃！食落有好多唔同嘅層次、口感同味道。溫馨提示，呢個前菜要快啲食，擺得太耐就會淋哂唔脆
➤Malai Paneer Tikka $115
呢個係素串燒，用左印度特式油乾奶酪，切成方粒再加埋黃椒青椒，串起烤至微燻，芝士粒無論係外形口感質地都勁似豆腐，幾特別，有淡淡芝士味，味道偏淡，可以配埋清新既薄荷酸辣醬食！
➤Chinese Bhel $70
用單車嘅擺設器皿裝住出場，以中式四川醬汁撈埋炸左既白菜、紅蘿蔔、燈籠椒等素菜，炸到硬硬地、脆卜卜咁，不過幾辣下，輕鬆食三小辣既肌肉熊都食得好掙扎。店員見我地食唔到，好貼心咁拎左個醋汁出泥，酸酸甜甜咁，沾左真係即刻唔辣
➤Mushroom Baby Corn Kadai $99 + Stuffed Paratha(Aloo) $55
嚟到印度餐廳梗係要嗌咖喱，份量幾多，裏面有蘑菇，粟米仔同洋蔥，唔算辣，幾濃郁惹味。啲Paratha烤得幾香，有少少濕潤感，唔乾身，煙韌有嚼勁，仲有啲焗薯係上面，就咁食或者沾咖喱食都好味
➤Chole Bhatura $105最後係呢碟Signature dish，鹹鹹哋嘅鷹嘴豆咖哩，同兩片大過塊面鬆拋拋既油炸包，中間空心，好似氣球咁膨脹左，食落外酥內軟，唔會好油，包住一齊食好正
➤Pistachio Milkshake $65
比較少見嘅開心果奶昔，有啲似溶左既雪糕咁，香滑濃郁，重奶味，有少少開心果粒，偏甜
➤Bombay Cutting Chai $39
細細杯既印度茶，香料味幾重，真係中意陣香料味先好叫呀！
_
🍽味道指數:★★★★★
📷環境指數:★★★★☆
🛎服務指數:★★★★☆
💰抵食指數:★★★★☆
😋推薦指數:★★★★★
📍Kaliash Parbat
张贴
