霸嗎拉麵 (金巴利道)

营业中

休息中

尖沙咀一人午餐有咩選擇？食拉麵係一個唔會尷尬嘅選擇👍🏻入到餐廳環境舒適，都見到餐廳入面好多一個人食拉麵，對於I人嚟講絕對唔會覺得尷尬。灸燒豚肉味玉拉麵 95豚肉肥瘦分明，有灸燒嘅味道，食肥嘅部份入口即溶，瘦嘅部分亦都唔會好柴，反而好淰，好好食😋流心蛋一咬就流心，拉麵嘅軟硬度適中，配上筍同蔥一齊食，lam lam脷😋枱面上面有唔同嘅調味料，我落咗炸蒜，味道口感都昇華咗🤤如果喺尖沙咀一個人食飯，霸嗎拉麵絕對係一個唔錯嘅選擇！