影片
更多
2023-12-07
29 浏览
同朋友相約喺尖沙咀食日本嘢，地點相當隱世，地方唔大有日本居酒屋嘅氣氛，呢日坐吧枱～🔘燒鱈魚干燒得香口，餸酒一流嘅前菜~🔘厚燒玉子最鍾意偏甜口味嘅玉子，睇得出由好多層薄蛋捲成，又厚又綿密~🔘刺身盛不時不食，點嘅都係秋冬當造嘅食材~必點秋刀魚，相當肥美，肉質鮮嫩平時好少食白子，今次食又覺得OK，完全冇怪味，口感綿密柔滑鮟鱇魚肝油脂柔嫩香醇，入口即溶薄切嘅烏賊，口感柔軟，有濃郁鮮味🔘串燒叫咗雞全翼、雞頸肉同雞腳筋串，燒完嘅雞肉都保持到Juicy有肉汁，最特別係雞腳筋串，係非常有咬口嘅雞皮加軟骨，差啲唔記得仲叫咗荔枝豚肉卷，鹹甜口感，一咬落去即刻爆汁~🔘天婦羅分別試咗粟米、沙追魚同埋海蝦天婦羅，炸粉好薄唔油膩，粟米好甜好好食，蝦肉爽彈新鮮，天婦羅幾高質喎~🔘 朝鮮麥豚肉野菜鍋天氣涼始終想食返個熱嘅菜式暖吓肚，湯底清甜，用料豐富好多蔬菜，豚肉肥瘦適中肉味香濃，底下嘅娃娃菜吸晒啲湯汁非常好味~食物質素相當好嘅居酒屋，難怪平日夜晚都滿座，服務都好好，推介~
🔘燒鱈魚干
燒得香口，餸酒一流嘅前菜~
🔘厚燒玉子
最鍾意偏甜口味嘅玉子，睇得出由好多層薄蛋捲成，又厚又綿密~
🔘刺身盛
不時不食，點嘅都係秋冬當造嘅食材~
必點秋刀魚，相當肥美，肉質鮮嫩
平時好少食白子，今次食又覺得OK，完全冇怪味，口感綿密柔滑
鮟鱇魚肝油脂柔嫩香醇，入口即溶
薄切嘅烏賊，口感柔軟，有濃郁鮮味
🔘串燒
叫咗雞全翼、雞頸肉同雞腳筋串，燒完嘅雞肉都保持到Juicy有肉汁，最特別係雞腳筋串，係非常有咬口嘅雞皮加軟骨，差啲唔記得仲叫咗荔枝豚肉卷，鹹甜口感，一咬落去即刻爆汁~
🔘天婦羅
分別試咗粟米、沙追魚同埋海蝦天婦羅，炸粉好薄唔油膩，粟米好甜好好食，蝦肉爽彈新鮮，天婦羅幾高質喎~
🔘 朝鮮麥豚肉野菜鍋
天氣涼始終想食返個熱嘅菜式暖吓肚，湯底清甜，用料豐富好多蔬菜，豚肉肥瘦適中肉味香濃，底下嘅娃娃菜吸晒啲湯汁非常好味~
食物質素相當好嘅居酒屋，難怪平日夜晚都滿座，服務都好好，推介~
张贴
