好時沙嗲

营业中

休息中

係尖沙咀沿住海邊行，行行下就行到去尖東。懶得去返去尖沙咀個邊搵食，就附近隨便找找。隨心有時都會搵到好野，呢間都係一個好例子。價錢都唔係好貴，食物都叫大份。▧ 巴東牛肉 呢個就朋友介紹，成落口牛肉味好濃，唔係滑身軟身個隻，係要咬一陣先咬得完，但愈咬愈有味個隻牛肉。不過我就中意軟身個隻牛腩味，唔會咬到個口好攰。▧ 香籣葉包雞 第一次食葉包雞 ，原來都幾好食。呢間佢烤既火侯好猛，外面既葉比佢烤到黑黑地，但入面好多汁，外皮香，只是邊邊有焦，食落口仲有淡淡香葉味。睇得出手工都幾複雜。▧ 雞牛豬沙嗲串燒 (半打)個人覺得正正常常。整體咁睇，性價比高。