沃川自家料理

营业中

休息中

今日尖東呢邊食dinner, 朋友帶我黎食左間好好氣氛既日式餐廳。因為第一次黎食，想食剌身，又冇咩頭緒食咩好，店員話可以同佢地講個budget，亦可以講底有咩唔食，之後就交比師傅發辦!師傅最後為我地準備左油甘魚，牡丹蝦，生蠔同埋甲烏賊，每款都係時令，所以特別鮮味。油甘魚甘甜鮮美，配埋酸汁，好開胃。 前菜方面我地叫左胡麻醬蕃茄同埋芥末八爪魚， 蕃茄咁樣配搭好清新! 清酒煮蜆整體好鮮甜味，蜆既鮮味融入湯底，再加埋清酒獨特香氣，飲完湯成個人暖曬!鹽燒馬友一夜干鐘意食魚既一定要叫呢個，味道鹹鹹香香，魚肉肉質結實，而且冇骨。田樂豆腐味噌既味道好醇厚，加上表面焦脆既口感，真正既外脆肉軟。呢到串燒款式都有好多，我地都叫左幾款! 雞肝串 Q彈有嚼勁，食落都係膠原。牛舌串 牛味濃郁，囗感爽脆多汁。羊肉串完全冇羶味。燒鵝肝石鍋飯上台時熱辣辣，肥美而口感嫩滑既鵝肝，配上特有醬油，撈埋飯一齊食，真係好滿足!