小明珠

小明珠呢間餐廳觀塘老街坊都一定聽過，最近搬左位置之後第一次來食，水準keep到，所有野都好好食，另外要特別介紹餐廳都做緊$10 4隻小籠包優惠，每日1:30-3:00點都有，超級抵食啊！今日要左三鮮湯年糕 $58同海鮮湯泡飯 $55，兩份都超級大碗，湯底有蝦米，所以就別清甜，更加有金華火腿調味。因為係午市套餐，所以有埋嘢飲，就叫咗凍檸茶。另外當然就係要埋小籠包，皮薄餡靚，超多湯汁，夾起都冇穿，真材實料！最後走之前叫多咗個海哲頭伴粉皮$78好好食。