和暢金廚 (南盛街)

营业中

休息中

同父母，10月尾嘅星期日，人係大埔而唔知食乜好嘅情況下，去咗試吓呢間小店，當日滿座，我哋三人等咗15分鐘左右就有枱，間鋪其實好細，枱之間冇乜距離，主要係細枱，而且多1，2人客用餐，見多枱客都有叫蒸魚，應該有水準。呢度優點係每款菜式细細分，價錢也相對調低，2，3個人已經可以試多款食物，我哋叫咗碗仔翅，好足料，蜆介鯪魚球，蝦子豬皮蘿蔔，蝦子鹹香味好足，清湯牛腩，真係細細份每人有一舊左右，係炆得好淋嘅，調味適中冇過鹹唔錯。鹵水拼盤有豆腐，雞蛋，豬蹄同埋鴨片，仲叫咗個清湯時菜。呢度食物有住家feel，可以常常來😛。