和暢金廚 (南盛街)

屋企無微波爐，想食「叮叮飯」，就過去幫襯啦☺️我地見餐廳門口無掛住「準備中」 或者「休息中」嘅牌，咁就推門入去食嘢啦。 落完單之後，廚房傳來一陣叮叮聲。哦，原來係職員用微波爐叮熱D嘢食，我真係無見過有餐廳會咁做😂職員仲要講說話俾我地聽，話「我地好攰要休息，1830後先有小炒，下次唔該遲D幫襯。」其實你咁攰，咁需要休息，可以唔做我地生意嫁！相信附近大把好食過佢嘅餐廳，如果屋企無微波爐，想食「叮叮飯」，先考慮過去幫襯啦☺️…查看更多

見咁多好評，以為好食，點知 ……樣樣都咁細碟都唔係問題，簡直名不符實～客家釀豆腐唔係釀豬肉係釀魚肉，滷水墨魚竟然係食唔到滷水味而係麻油味好重嘅麻油墨魚，仲要細碟又薄，魚香茄子無魚香味，無肉碎無鹹魚，雖然落單時有講明無鹹魚無肉碎，但覺得攪笑唔應該叫魚香茄子，魚香在哪？應該改名為紅燒茄子算吧啦！豬肚雞鍋仲要提前訂，但味道唔係我想要嘅，豬肚還可以，湯胡椒味太重，只有手拍青瓜最正常。仲話要book位先有得食，講真我真係唔識欣賞囉！平時唔寫食評嘅我都忍唔住要評論一下，因為無諗住寫食評，所以無影到相，但直心覺得唔值。見到好評想試食嘅可以唔駛試啦～真心覺得 ～伏！…查看更多

終於一試口碑都幾好嘅“和暢金廚”，位於大埔南盛街嘅一間小店。環境營造懷舊感覺，雖然舖頭唔大，但係總算整齊乾淨。朋友介紹必食客家鹹雞🐔，簡單的烹調方式突顯食材的原味。新鮮的雞肉，經過鹽醃烹調，肉質鮮嫩多汁，鹹香入味。雞皮金黃油亮，口感滑嫩，雞肉則緊實而不柴，鹽味恰到好處，帶出雞肉的鮮甜，展現了客家菜「鹹、香、肥」的特色，樸實卻充滿風味，令人回味無窮。😋另外，金牌碗仔翅又一特色，配上一碗香氣撲鼻，口感軟糯嘅米飯🍚頓時覺得自己高級咗😂😂魚翅撈飯，試過未😀😀價錢唔貴，小店經營，廚師有啲料到👍…查看更多

上次到依家都隔咗個季嘞。夏天舖面都係唔夠涼，總會好嘈電話響個不停，隔咁耐都記得電話咩鈴聲 😂。諗住隔下會好啲。今趟一來嬲住走 😂塊枱布high到我個袋，我心裡往下沉 😡。你同客講嘢咪講嘢囉，塊布踏喺櫈位咪high到我個袋囉 😑。平時我坐吧枱就好地地，喺門口睇到無吧枱坐有啲 🤔諗住叫魚腩粥，話賣晒頭先同第二枱講咗無，我心諗無留意喎 😂。問我要唔要魚片，定要其他嘢？！。。因為塊枱布我嬲咗啦 😡，直接離開無單聲。順帶一提：有次嗌飯餐梅菜蒸鯇魚，話賣晒，咁我要魚腩粥，佢就一輪咀講話無乜乜乜又點會有乜乜乜，我點知你呢舊魚同果舊魚係點做呀？！將個波俾返個客 👎。我當堂黑面啦，有時熟客還熟客，熟客有好多種，人都係 😒食物選擇多，味道不錯。但遇到呢種事 😒，不了。…查看更多

一行四人三大一小大概八點Walk in一入去老闆娘已經話下次唔book冇位俾你㗎喎好啦都坐低食啦一坐低就話有兩款魚，叫我哋叫定先如果唔係呢就有排等跟住我哋就問有咩魚啦，諗吓諗吓都唔係好想食蒸魚，所以就冇叫重頭戲就嚟啦，唔叫魚之後完全冇再理過我哋落單叫咗三個字都唔幫我哋落單真係世界級service 唔幫我落單，我自然就起身走啦起身走就同我哋講嘢喇🤷🏻‍♂️🤷🏻‍♂️咁嘅態度，祝佢好運啦…查看更多

N年前看過報導，吳師傅為幕後軍師，和暢金廚是其徒弟創立。我也是衝著當年的報導來。這次食評是一直累積來的。$50 客飯套餐有湯。份量都不少。A 至 F 餐。A 客家鹹雞：從未試過、B 魚香茄子：沒有肉碎的做法，份量頗多、C 支竹蝴蝶腩：夠腍夠入味、D 蘿蔔清湯腩：略嫌肉偏乾瘦？！精華都留在清湯內，蘿蔔沒有渣、E 梅菜蒸鯇魚：即叫即蒸，梅菜都是甜的、F 紅燒豆腐：這裡的豆腐不錯、G鹹魚蒸肉餅：肉餅偏向肥一點，鹹魚入口化開、H 鹵水五寶：配飯不太相襯，炸豆腐不錯，豬手夠腍夠入味，豬耳去除軟骨，花功夫。這裡湯水也不錯。餐牌都頗多選擇。花雕醉酒：溫度偏冷夠入味，只是沒有啫喱狀，不錯炸豆腐 / 客家釀豆腐：豆腐夠乾身脆口帶甜，釀的更花時間古法釀涼瓜：只是我不喜歡，覺得苦鹵水豬手：有時會吃到酸的，大概十次有四次吧。外出用餐都要靠靠運氣。生滾魚腩粥：不錯香酥雞翼：生炸，夠脆乾身。蜆介鯪魚球：不過不失。生菜鯪魚球：喜歡的味道。法門素鵝：不錯酸甜炸雲吞：餡料少少的，都是吃脆脆部份，配上酸甜醬。豉油皇煎蝦：味道不錯，蝦，還可以。酥炸生蠔：水準不太穩定，首次吃就愛上。第二次第三次到第N次，回顧有時咸些、有時厚粉些、有時炸得“行”些。比豬手的出品有得比較。紅棗糕：見識見識，據聞用料簡單但製作需時。清朝宮廷甜品，大家記得試喔！礙於有限水平，詞窮；不作詳細描述。喜歡就說喜歡吧！午飯時間都頗忙，人多建議先訂枱。…查看更多

我推薦比回港探親的家人，特意去幫襯。預定的蒸泥鯭蒸得過了火，其實蒸細魚很簡單，如果做得比在家裡煮的差，就不專業了！連最拿手嘅上湯伊面都失水準，平時好食到呢我要吃兩碗！面質煮到剛剛帶煙靭口感有少少嚼頭，吸收了美味上湯精華，嘩啦啦但嗰晚啲伊面淋晒！啲清湯牛蔔腩仲差，生平第一次食啲咁細件嘅牛腩！但籮蔔就好入味。椒鹽鮮魷啲鮮魷又係小巧、薄到呢連炸粉漿都厚過主料！又咸到呢食唔到剩返晒响個碟度。當店員提議帶走，然後知道原因時，仲話下次叫佢哋唔好落椒鹽！咁即係辣子雞丁走辣子啲friend ? 是本末倒置嗎？家人很失望，我就跌晒眼鏡…查看更多

有返工無收工，返到舖頭要做、返到屋企繼續做，做那到狂燥好想發脾氣，黃昏一定要黎碗靚湯降降火﹗天黑前急急食個早餐飲碗真材實料解毒湯。炸雞膇，即叫即炸要耐心等候，新鮮熱辣出場﹗燙著嘴仔，外層脆脆，有淮鹽味道，雞肉嫩嫩炸得出色﹗要添食要添食。清血解毒湯，甘中帶甜，真材實料永無甩拖，熱熱灌入肚仔，熱力渾行全身暖笠笠，只得一碗唔夠喉，回味再回味。清補涼排骨湯，無得輸的住家湯，肉甜藥材香，清新和味。繁花湯，陣陣菊花味道較突出，其他花種只有涼涼的味道。魚香茄子豉油皇炒麵，魚香茄子非一般的烹調，極香麻油味，食落滿口油，無咸魚無肉鬆無辣都仲係魚香茄子嗎？茄子結實脆身，茄皮帶韌，輕輕走油再兜個汁，只食到茄子原味，不太懂得欣賞。嘗試跟充滿芽菜草腥味的炒麵結合，不單止沒有幫助，反而使到情況更惡劣。滷水豬蹄，每次都以為係整隻蹄上枱，原來一早起左肉了。點解似燻蹄皮呢？翻叮膠彈帶滷水香甜，食得過。枝竹炆蝴蝶腩，不腥不嗅，豆香滲入蝴蝶腩中，彈牙質地噴出肉汁，如果配上泰式史拉差辣椒醬會更有風味更加美麗。腐竹味太強跟肉類味道不太夾的呢，不過如像羊腩煲的濃湯濃汁就不同了，腐竹味幾乎完全被掩蓋。辣椒油，香辣兼備，除可以撈粉麵外，撈飯同樣一流開胃可口。上湯伊麵，絕對美味的存在﹗嚥韌香甜長長的麵條配上奪魂回味清湯底。辣椒油上湯伊麵，本身清清淡淡不加調味已滿分，加埋靈魂伴侶辣椒油，吸啜得十分狂野不能自拔﹗蝦子豬皮蘿蔔湯，濃稠湯底非常好，不幸地蘿蔔硬削不爽甜，反而豬皮爽脆彈彈吸湯夠出色。蝦子豬皮蘿蔔湯伊麵，蘿蔔豬皮真的有點悶，即刻搵辣椒油上湯伊麵幫幫手，食味及氣氛都提升許多了﹗麻婆豆腐，花椒油麻婆豆腐大愛﹗最鐘意有花椒的麻婆豆腐，辣辣麻麻食慾大增，搭埋肉碎及滑滑豆腐，吞兩三碗飯唔少得。高湯手打烏冬，色香味泊得住上湯伊麵，超美味﹗米香飄飄而彈牙的烏冬，被燙嘴濃湯襯托著。大口大口連湯帶烏冬倒落肚，食得痛快﹗麻婆豆腐高湯手打烏冬，兩者融合進化成花椒油麻婆豆腐高湯手打烏冬，她媽的色香味！麻辣味的烏冬一絕，整碗拿起全部一齊掃到嘴裡去，百味交進，非筆墨可以形容。蜆蚧鯪魚球，炸得乾爽香氣撲鼻，脆脆無比的外層，陣陣鯪魚味道，外脆內軟滑。蜆蚧才是精髓才是靈魂所在﹗水汪汪的帶點點咸鮮，最緊要跟蜆肉一齊嘆，美味無比﹗古法蒸鯇魚腩，久候多時一等再等，廿分鐘熱騰騰登陸。幾條冬菇絲搭著冬菜蓉，有種獨特而誘人的味道及氣味。嫩彈魚腩肉，滑滑多汁鮮味強烈，拆肉淋上魚汁豉油撈飯，不得了﹗其實半碗飯已十分足夠，大大啖魚腩配少少白飯，淋上魚汁豉油還有冬菜冬菇點綴，夾雜飯香滋味無窮拍爛手掌﹗梅菜蒸鯇魚腩，古法蒸較美味豐富，淨冬菜有點寡，好彩魚腩肥美啖啖肉，魚汁立立令。辣椒菜芯炒牛肉，事頭婆大大力推介餐牌外的辣椒菜芯炒牛肉，好好好就試試﹗菜芯甜味一般般，微爽微汁微老。牛肉醃味濃濁，豉油味太重，沒太鬆肉食得到質感。辣椒牛肉菜芯齊齊撈香飯互相掩護互補不足，估唔到十分好送飯喎﹗原來係醃過的辣椒，鹽味突出， 撞得味道蠻不錯。爽滑鯇魚皮，似乎魚滑粥粉麵及陳漢記處理得更加出色更和味﹗大量蔥絲薑絲紅椒麻油豉油撈成，食既時候當然要夾著薑蓉蔥花滾埋豉油才食到真髓。爽脆皮拖著麻油豉油捲著薑蔥齊齊趙，調味有少許單調，死氣沉沉靜蠅蠅。生菜鯪魚球，無蔥真好，我一食蔥就反胃的啊﹗豉油湯底浸著嫩爽甜鮮生菜，還有大大粒結實起膠鯪魚球，落味恰到好處，鮮味突出。滷蛋伴上湯菜芯，嫩綠菜芯不老無渣粗幼皆甜無青味，還有甘香滷水蛋助攻，拼埋滾燙豉油湯清清地夠舒服。和暢家常翅，必須預訂的家常翅，足足有 4 兩。原來係翅湯不是翅羹，爽爽翅針帶著翅群連肉，膠黏柔軟。和暢家常翅撈飯，來個魚翅撈飯食其氣勢及感覺，齋送飯有點乾。和暢家常翅湯飯，清淡湯汁充滿翅味，撈飯非常舒服。…查看更多

1.自己屬於初嚟報到嘅半個大埔街坊，仲發掘緊有邊幾間家常小店可以長期幫襯。路過見到呢間和暢金廚舖仔細細，餐牌上面嘅食物都幾啱Feel，就試吓2.今次係第二次幫襯，一坐低，嗌個湯先。$20兩碗，蓮藕粉葛豆豆豆豆湯，無味精但好夠味，好飲到食完飯嗌多次再飲先夠喉3.當晚蒸魚嘅選擇有斑有深水泥鯭，我哋就嗌咗金絲𩶘（$90/2條）。魚蒸得啱啱好，肉質嫩滑；蒸魚嘅精髓熟油蔥豉油夠晒香，撈飯食100分4.錦鹵雲吞唔係大大舊嗰款雲吞，係一塊雲吞皮包細細粒餡嗰種，炸得酥脆，唔會話攤凍咗再炸吸晒油嗰種，一碟10塊，身邊人怕熱氣只食咗一塊，我生吞9塊都無話好膩，仲食得落其他嘢5.鹹雞例牌好食，身邊人嗌多碗白粥直接變雞粥（BTW白粥有瑤柱，小癲）6.兩次都將冰鎮芥菜膽錯誤睇做冰鎮芥蘭（應該係潛意識問題），麻油香加Wasabi，味道其實都幾開胃7.總括嚟講，好食好抵食8.回頭指數：🌝🌝🌝🌝🌝…查看更多

錦滷雲吞，過份傳統喇喎﹗細細粒肉仔配大大塊雲吞皮，我要大大舊肉餡細細塊皮架。都唔明點解有朋友要大大塊皮，要豆丁咁細既餡。傳統清淡錦滷汁，微酸微甜不會太濃，少少青紅椒洋蔥味道，悶悶的靜靜的。清炒菜芯，簡單就是美﹗少少鹽少少蒜酥吊吊味，食材鮮爽甜嫩已極具美味！凍檸蜜，天然靚蜜糖，大啖吸啜滋潤透心涼。啫啫雞煲，無豬膶既？無豬膶都係啫啫？只能說是薑蔥爆雞吧，雞皮竟然係脆架喎﹗我想食粉粉的蒜子，但無蒜子提供。雞肉醃味清新，肉嫩吸引美妙，無法挑剔﹗其貌不揚，但食味一流。紅棗糕，要預訂的自家製糕點。已經沽清無一底買呢，好采仲有四件散賣剛剛夠分。食得出非一般手工出品，匠心獨允手藝超卓，軟綿鬆軟啖啖都係紅棗肉，似年糕味道，但更鮮更清新。宜人的甜，不濁不膩，難得難得。老闆娘突然走近稱大財團有意挖角，想買斷師傅帶埋秘方做此紅棗糕，不過師傅一口拒絕，嚮往自由真香港人！懷舊狗仔粉，還以為跟十八座一樣係腍啤啤碎濕濕粗麵，竟然係銀針粉，實在太喜歡亦太感動了﹗先灼汆出透徹乾淨不油膩，烹煮得宜滑嘟嘟帶香甜麵粉香。鮮甜湯底靈魂所在，有老媽客家的味道，菜甜蝦米咸鮮冬菇幽香雞湯清新，全部灌入一滴不溜。釀豆腐湯，釀豆腐及爽甜生菜在淡淡豉油湯浮潛，夾一舊結實豆腐藏著嫩彈魚豬餡，沾上頭抽品嚐更惹味，好食好食。    清蒸馬友，不容置疑蒸煮出色，嫩滑緊緻雪白魚肉，天然魚甜味在齒舌間遊走。蔥花魚汁淡豉油撈埋白飯釀入嘴仔，美極妙哉。腐乳蒸排骨，腐乳醬調得濃稠，咸香撲鼻不嗆不濁，啜得起勁，肉質有趙頭，撈飯一流停不下來。炸豆腐，炸得透徹鬆化，乾爽外脆內嫩，陣陣豆香極香口，無得彈。松茸黑蒜湯，清淡中飲到神秘黑蒜味，甜中帶點酸帶點咸，醇美追住飲。松茸黑蒜湯、滷水鴨片、北菇鴨汁魚唇、兩碗絲苗香飯，味味精彩滿足到不得了！獨居老人的殷物，柔和湯水配搭巧手小菜浮現住家的味道。雖然有食客反映平凡無奇，但非常合我心意，鯨吞兩碗飯都未能平息我的衝動！本想點雙滷水鴨掌做飯後甜品，但剛被隔枱搶先吃掉，陰鬼功。北菇鴨汁魚唇，極奇爽甜的菜芯伴碟。北菇的骰有趣爽彈滑無比，魚唇彷似魚翅裙邊，充滿海味鮮甜，膠黏爽質地十分高檔，蠔汁完全滲透，直頭一小片可以送半碗白飯。滷水鴨片，其貌不揚看似乾爭爭，但鴨肉味濃不羶。滷水清香非凡，嚥韌瘦肉配爽脆油香鴨皮，無論如何都要食多兩啖飯。滷水鴨片炸豆腐，墊底的炸豆腐亦不甘示弱，索盡滷水鴨汁，鬆化微脆，外香內嫩，搭乘鴨片齊齊塞入，食得我舔舔脷。雲苓白术扁豆衣鱆魚粉葛湯，清爽舒服淡淡然的味道，飲完生龍活虎、渾身是勁﹗清湯牛腩，腩肉鬆化滑滑味道清香，蘿蔔非常清甜，軟腍爆出可口湯汁，吃掉整碗飯，湯汁一滴不漏被消滅。陳皮鴨腿湯，極濃豉油滷水湯汁滲入鴨腿內，肉質結實而乾，嚥嚥韌韌，雖然啖啖肉但欠肥美彈滑。味道過濃難以作湯飯，先試兩啖都係吃不消。五珍湯：靈芝、姬松茸、舞茸、猴頭菇、蟲草花，不含半粒味精的靚湯，補身補健，清淡有益，熱騰騰越飲越好味。金蠔皮蛋瘦肉粥，瘦肉竟然係肉碎，嚥韌而味道偏淡，幸好粥底有微微肉甜，搭著可口皮蛋享用仍是不錯。金蠔肥美鮮味透頂，甘香滋味，鬆軟滑滑回香不斷。豉油皇炒麵，芽菜無草青味連我都食得到，爽爽水潤只不過甜味不足。生老抽比例巧到好處，咸香不濁，麵質軟彈。豉油皇炒麵撈金蠔皮蛋瘦肉粥，最愛麵條拼粥水，麵跟粥可遠係天生一對﹗滾熱辣地融合，將威力發揮極至，味道提升千倍萬倍，食得津津大味。椒鹽豬扒，苦等十幾二十分鐘，終於隆重登場。外層微脆咬到索索聲，堅得堅正﹗肉質有咬口，味濃非常出色，配碗菜飯必定不得了﹗看得到的肉汁閃閃發光，外脆內軟美味的選擇。老黃瓜赤小豆排骨湯，不太喜歡黃瓜湯，明白有益都照要吧﹗清淡無味精，熱熱灌入暢快。生滾魚片粥，早粥比夜粥好食得多，有滾水味既？加過水嗎？粥底非常淡近乎白粥味，少有的要我加豉油增味，魚肉有點鞋有點魚鱗。京蔥燒魚，煎封到金黃色，貌似飛起一樣狀甚生猛﹗魚皮焦香極鬆脆格外索汁，晶凝通透紅燒汁，香甜帶著清新京蔥芬芳，魚肉細嫩，淨食可口，撈淡口粥食同樣一絕。北菇螺片魚唇雞湯，菇味特濃又突出，濃郁雞味魚唇味緊隨出動，黏厚的湯汁格外可口，清新住家湯味道，柔和輕甜熱熱不停灌大滿足。滷水拼盤：牛舌、墨魚、生腸，軟綿清香牛舌片，嚥韌甜美墨魚薄切，爽脆清甜鮮生腸片。上湯伊麵，等了又等遲遲未到，隔離四眼肥仔遲來先上岸，已經啜得如火如荼殊殊聲喇！苦候多時終於登陸，滾熱辣看似腍啤啤，大大口吸入竟然彈滑，完整幼幼長啜長有，上湯散發陣陣菇味雞味可口美妙。拖著大量辣椒油狠狠地吸啜，刺激醒神惹味無敵﹗微辣帶甜，香香的帶少少花椒味道，跟伊麵無比匹配。…查看更多

行咗入小店，捧著碗爽口滑蛋牛肉飯，正！牛肉塊塊嫩滑，蛋黃流黃咁淋哂落飯上面，呢一刻真係令人食指大動。嗰滑蛋滋味，完美咁包裹住每一片牛肉，真係食落口感smooth到犀利！👌點播嘅蒜蓉蒸蟶子，每粒都肥美鮮甜，辣椒同蒜頭嘅香味就噴香四溢，食落去真係爽口開胃到爆炸！蟶子之鮮嫩啲汁仔亦都唔浪費，撈麵撈飯都得！😋最後黎個芝士焗蟹蓋，平時食芝士焗嘢都驚膩，但呢到嘅芝士焗得啱啱好，個蟹蓋滿滿蟹肉，超滿足！芝士伴埋蟹肉，係咁回味無窮，想返嚟食落都覺得正！🦀店員服務都好貼心，照顧得好周到，食得愉快，下次再黎試多啲嘢！…查看更多

見咁多like，所以黎左試下，見到仲有最後一張枱，一開門個職員就咆哮問有冇訂位，嚇到姪一姪咁話冇訂，之後就指一指叫我地坐，所以唔知咆哮啲乜。.望完餐牌嗌職員幫手落單，佢就企係遠遠既收銀機到嗌過嚟問我地食乜，搞到我地又要大嗌返過去😓唔知係咩操作！問佢例牌雞大概咩份量，佢話夠晒兩個人食，所以嗌一份例牌雞加個餸（唔係價錢問題，而係佢話夠食所以先嗌例牌雞）佢覆單個陣嗌左兩份例牌雞，咪同佢講我要一份，佢就應 得架啦得架啦！知架啦知架啦！成個過程不斷咁來回大嗌，都放棄同佢拗啦🤷🏻‍♀️🤷🏻‍♀️🤷🏻‍♀️.係等啲餸黎既時間，本身環境狹窄，加埋其他客人係到傾計，再加上呢個職員就不斷同 唔同既客人大嗌，令到成個環境更加嘈，只係好想啲餸快啲上齊快啲食完走。.等左一陣上左碟例牌雞，個份量係完全唔夠兩個人食既，隻雞唔知營養不良定咩事，係勁少肉🫠女仔一個人食都唔夠飽，仲點好意思講兩個人夠晒食？你個胃係鳥胃嗎？.食食下出邊有訂枱既客人黎左，但又冇枱比人，仲叫人等返轉頭，成件事安排得極混亂，好彩今晚我唔係訂枱個位客人。.然後就係隔離枱食到一半加單，10分鐘都冇就問人啲餸上齊未？加單個個餸仲要唔要？聽完大家都打左個凸隔離枱即刻話緊係要啦！.總之成間餐廳好嘈好混亂，唔會再去食，食完行左去對面睇野，隔住條馬路都聽到呢個職員開門同等緊位既客人講野😑😑😑價錢黎講係抵食既，但環境真係好唔掂。…查看更多

噚晚嚟咗呢間小店食晚飯，老闆娘好熱情，佢問我呢排好忙呀，咁耐唔見嘅，其實我係第一次去，跟住又問我以前係咪有去大元村食飯打完場 😅😅睇得出好多都係熟客，隔離檯哥哥見我裝佢條魚，就話今日星班唔係好滑，叫紅柚好啲 🤣🤣🤣 好啦就聽佢講叫咗，的確唔錯，啲配菜好好味，差不多比我清晒 🙈家鄉釀涼瓜可以每件叫，我哋叫咗 4 件，個涼瓜咸咗啲，但釀嘅肉好好味。客家咸雞叫咗個例牌，$35 性價比高，好味，啲薑蓉又比我夾晒 😅豉油王炒麵加大咗 2 人份，覺得都係咸咗啲，可能呢幾年食嘢清咗，出街食咸小小會覺得偏咸。仲有例湯無影相，好好味，仲可以添飲，成件事好得囉。雖然好似叫咗好小嘢，但我真係攬住個肚走，要去散一散步先返屋企 🤭🤭…查看更多

老爸老媽要食早飯，黃昏五點半就要開波，其實係我早餐來的。朋友們讚不絕口地大力推介，當然要親身黎驗證一下，果然好掂喎！舒服溫暖的住家味道，恰似屋企飯一樣，沒有霸道的鑊氣，沒有野蠻的重口味。有趣味的裝修、掛畫及擺設，集百家之大成，雜錦撞到七彩。天花板藍色像海洋，黃色像太陽花，跟牆上的掛畫互相呼應。見眼老闆娘踢晒腳，接待落單出水出菜，還要訓導發呆侍應妺妹，不知好嬲還是好笑，就連廚房師傅都要幫手送餐呢。熟客師拉團一檯接一檯一浪接一浪進場，出出入入出出入入客似雲來有料到﹗住家菜的溫柔敦厚老實味道，金豬蟹盒、鮮氣西星斑、深黃咸雞、蠔氣砵砵、瘋脆萵筍、古惑釀梁家、事頭婆煎海蝦、男不幸白費湯、等等等等等。清血解毒湯，清淡帶甘有肉味而溫和，不會嗆不會苦。補身有益、壯腰補腎、滋陰壯陽，煙酒過多生活無規律，排毒一流。清炒萵筍，真身不是筍，其實係油麥菜的莖。爽脆清甜翠綠，用玻璃芡包著滑嘟嘟，炒得熱熱的。炸客家釀豆腐，即叫即炸滾熱辣﹗炸得金黃通透不油膩，酥脆充滿豆香，外脆內滑香口搭點肉鬆好味道﹗香脆乾爽趙到索索聲，跟甜美豬肉融合得美妙絕倫。不知何解突然想起嗅豆腐，唔該比樽豆瓣醬我啦。咸魚蒸肉餅，極度邪惡呢﹗我有顆正義的心當然要立即消滅殆盡，忍不住要出必殺白飯來應付，人家其實唔想食飯架，太過份喇﹗彈牙幼嫩爆汁的肉餅啊，醃味清新實力萬軍，加上梅香咸魚肉撈啖飯，真係好味的暈得一陣陣。清蒸瓜子斑，火喉剛好微微黐骨，肉嫩到無朋友，斑肉濃濃海魚味道，經濟合理物超所值 $98。沾上魚汁豉油，多多肉搭少少飯，所有精華一次過塞入口，爆棚大滿貫﹗連魚骨魚頭魚鰭都啜得乾乾淨淨。南北杏白肺湯，我還預料屬奶白色的杏汁燉白肺，完全搭錯線﹗比清補涼更清澈的湯水，飲落清淡陣陣豬肺味道，甜而不腥。咬啖豬肺，軟綿彈滑清新脫俗。古法釀涼瓜，腍腍濕濕的涼瓜甘香獨特，捲著實淨鯪魚豬肉餡，清淡的芡汁特顯其樸實的家鄉風味。兒時絕不吃涼瓜，開始喜歡吃涼瓜都係近幾年的事，半生瓜就係半生瓜。老媽係老客家，反而依家有點懷念老媽做的甘甜味濃燙著嘴豉汁炆釀涼瓜呢﹗客家咸雞，三黃雞特別清甜，雞味甘香，皮薄肉滑，浸得陣陣咸鮮四溢而不濁。嫩嫩靚髀滴著肉汁，夾著大量薑蓉更香口醒胃不油膩。金磚蟹餅，炸得透徹均勻零死角，新鮮出爐香噴噴，感覺得到的熱力。狠狠地咬啖，索一聲香脆無比，金黃乾爽兼香口，炸得均勻咬落啖啖肉滿滿結實。蟹肉濕潤，乾濕反差，擦出火花。家鄉蠔砵，新鮮出爐非常燙手，又香又彈又滑，真係非常可疑喎，鴨蛋做的嗎？不只是蠔加蛋的簡單，還有香料作伴，味道更加多姿多彩，油炸鬼鋪面格外香脆。大大舊香料蠔蛋，搭著少少飯塞入嘴仔，那種澎湃的滿足感受，非筆墨所能形容。清蒸西星斑，游水海魚那有得輸，拆肉拌飯淋上魚汁豉油，嫩肉香飯夾甜汁，好味到不能哼出半聲。豉油皇煎蝦，壓軸登場鑊氣十足﹗糖及豉油達到黃金比例，咸甜平衡美味。蝦肉爽甜，混得精采，損得暢快。暖蜂蜜，阿妹侍應強調幾次只有暖飲無熱飲，不用那麼執著吧﹗飲得到天然蜂蜜所調製，溫暖清新的味道。粉葛鯪魚湯，清淡到不能相信，非常薄的湯水，少少葛味，少少魚味，當開胃湯清清味蕾。花雕醉雞例牌，溫度低於室溫，有著清涼的感覺。皮薄肉嫩，不乾不鞋，仍保有少許雞油雞汁。輕輕的花雕味不過份，溫柔舒服的酒香切雞肉。滷水拼盆：豬蹄、鴨胸、雞蛋、豆腐，送飯一流﹗豆腐炸過的外層格外香口索汁外濕內滑充滿豆香；雞蛋入味不過份蛋白彈蛋黃綿甘甜撞滷水回味無窮；豬蹄幾乎全部皮無瘦肉爽脆的豬皮膠彈滷水清香；鴨片嚥韌鬆化黏著肥美鴨皮特別的油脂香。麵醬蒸黑倉魚，只得倉魚、吞拿魚、鯇魚？全部都不合眼緣，唯有格硬揀黑倉啦。沒有豉汁只有麵醬都無緊要。魚肉鬆軟嫩滑，跟白倉的實淨魚質完全不同，更滑溜更多魚汁。拆下大量魚肉淋上魚汁豉油，連大大啖飯掃入。魚肉鮮味無比，飯粒香醇美妙。金牌碗仔翅，翅呢？無翅既？巢極都無金牌既？金牌呢？先來幾口原味，瑤柱雞湯味強烈，史雲生？肉絲彷如大海撈針，欠缺鮮肉的味道，使得整碗陰陰沉沉。寶湖暢和足料香甜滿分，就算加入浙醋及胡椒粉都無補於事。五珍湯，是否淑珍、佩珍、玉珍、愛珍、惠珍嗎？真身係靈芝、姬松茸、舞茸、猴頭菇、蟲草花，食肉獸的我對素湯有點卻步，竟然菇味芬芳，香甜兼備，味道融和溫柔，即刻搶住飲多碗啦！冰鎮鮑魚，兩吋長大小只用麻油輕輕調味，食得到的鮮、趙得到的彈。醃青瓜亦出色，爽爽味道夠濃帶著麻油香，美味啊﹗雲苓白术扁豆衣鱆魚粉葛湯，健康有益兼養生。清清淡淡有點像腐竹的味道，散發微弱的鮮魚味，不太飲到有鱆魚的味道。酥炸生蠔，新鮮出爐剛剛完成熱力迫人﹗已預料非常燙嘴，輕吹兩下慢慢放到牙齒間，仍然高溫。薄身鬆化的炸漿洒上椒鹽，提鮮提味。咬開噴汁，蠔汁鮮味濃，嫩嫩蠔肉，停不了一隻接一隻地消滅。…查看更多

今晚去左食好耐冇幫襯既和暢金廚，6點半左右去到岩岩有張兩人枱，之後既人黎到都要等位，建議大家都打去book枱穩陣d首先嗌左份麻辣青瓜豬皮，個辣味調得好好，豬皮似係豬頭皮果種呢個素鵝炸得好好食，入面仲有涵，好驚喜呢份蜆介鯪魚球都好香口 夠哂味炸豆腐超級推介，6蚊一舊好抵食，真材實料，我地嗌左兩舊之後即刻加單嗌多四舊，係炸得好好食脆卜卜最後仲嗌埋豉油皇炒麵，當日冇炒麵，要加三蚊轉手工麵，都好好食呀雖然當日人手唔夠，店員都好忙，但態度都好好，好有人情味既家庭式小店！…查看更多